1 Korintusu 11:22 - Ma Jou ai Demo-demo o Totobelohoka

²² Nia datoro gea ma titi o kia? Mode ko iwa ti ngini homoi-homoi nia tau la genangoka niolomo de niokere? Eko bote ngini niato Ma Jou ai gareja nihimaleke? Bote ngini nioigo la o huha ma nyawa nginioka niahimaleke mangale to ona manga inomo ikuranga? Ho done hokokiahi totemo nginika? Sarakia, itiai ngohi tinihigiriiri ma titi naa ena? Koua! Duru ko tinihigiriiriua ngini naa.

1 Korintusu 11:22 ပူးပေါင်းရင်းမြစ်များ

Hidingoto 20:28

“De naa tinihitiari moi nginika! Abe ngini kiani nimagoana ngini ma hirete done nirehene Ma Jou ai ngekomoka de aino. De nginioo kiani niagoana nia gogianongoru mata-mataika abe Ma Jou o Womaha winihitagongoka nginika la ngini nidadioka to ona manga gogoana ma nyawa. Ho Ma Jou ai gareja ma nyawa ona gea kiani ngini niapaliara irahai, angamoi Una womaijaino ai nyawa de wofangu de to Una ma hirete ai awunu!

1 Korintusu 10:32

De ufa nidiai o bebeleke la hiadono o Yahudi ma nyawa yahowono, eko la hiadono ona ko o Yahudi ma nyawaua de onangoo ma yahowono, eko la hiadono nia gogianongoruoo Ma Jou ai garejaka, ma, onangoo yahowono.

1 Korintusu 11:17

De naa o huhuloko moioli tinihuloko nginika, masara naa ena duru ko tinihigiriiriua ngini. Angamoi ma oraha ngini nimatoomuino la niato ma rorahai niamake, de masara gea nimahiketehikangela dika.

1 Korintusu 11:2

De, ahi gogianongoru, naa ngohi tinihigiriiri nginika angamoi ka ihikaika ngini nihihohininga ngohi de ahi dodotoko nginika nianiiki itiai.

1 Korintusu 11:34

De nako naga utu nginioka duru yahafini, gea ho koaho ona yolomokahi to ona ma hirete manga tauoka. De ahao onangoo ka idadi yoboaino la nimatoomuino hoka o badanga moi. De nako hokogea ngini nianiiki ahi demo, gea ma oraha nimatoomuino de o hohowono ko niamakeokaua abe hoka ma dihira ngini utu nia hohowono niamake. De nagahi ma titi utuoli tato tinidotoko, masara gea toboaka nginino de ahao tohiaturu.

1 Timotiusu 3:5

Abe naa moi tonihingahu, nako hiadono o nauru womatengo ko wapoaua wahikaaturu to una ma hirete ai tauoka, gea done sarakia de una wakunu wahihira-hira ai gogianongoru Ma Jou ai tauoka?