1 Korintusu 11:11 - Ma Jou ai Demo-demo o Totobelohoka

¹¹ De masara ngaro ma titi nanga pea ma dadamunu gea de igoungu ngone o naurohi nanga horomati hatoli ilamoko, ma ufa hataoko ihowono Ma Jou ai hininga. Angamoi nako nanga wowango nanga Baluhoka, o nauroo de o ngofekaoo kiani yomaketehoromati de ko idadiua yomahiketehitipokouku. Abe ko idadiua ona o ngo-ngofeka yomaketehoromati ka ona de ona dika de ko inalegaikaua ngone o nau-naurino, de imaketero hokogea ko idadiua ngone o nau-nauru ka ngone de ngone dika homaketehoromati de ko halegaikaua o ngo-ngofekaika. Hokogenangua, masara kiani ngone mata-mataika homaketehoromati.

1 Korintusu 11:11 ပူးပေါင်းရင်းမြစ်များ

1 Korintusu 11:10

Ho gea ho kiani ma ngofeka ami pea matamunu la momahitunguu abe ami hininga momahitipokouku ma naurika, angamoi Ma Jou ai momalaekata naga ka ihikaika inawuni-wuningi.

1 Korintusu 11:12

Abe igoungu ma dodihiraka Ma Jou womitulaada o ngofeka o naurino. Masara de gea ipaha de ngone o nau-nauru mata-mata homakokiboa o ngofekaino. De ngaro o kia dika naga, masara duru ma dodihiraka Ma Jouoka de aino iboa mata-mata.

Galatia 3:28

Ho mangale ma titi nanga rimoi o Yesusu Kristusoka, ho hiadono naa duru ko iwaka ma hikohowono nanga hidogoronaka. De gea ngaro ngone utu o Yahudi ma nyawa de utu ko o Yahudi ma nyawaua, ma ngone naa ko homakohowonua. Eko ngaro ngone utu o nyawa manga huhuloko de utu ko o nyawa manga huhulokua, ma gea ngone hoimoi dika. Eko ngaro ngone utu o nauru de utu o ngofeka, masara gea Ma Jou wonalega wato ko iwaka ma hikohowono ngoneoka angamoi ngone mata-mataika ka hoimoi dika o Yesusu Kristusoka.