1 Korintusu 10:28 - Ma Jou ai Demo-demo o Totobelohoka

²⁸ De masara nako ko nilehaua de ona o tau ma dutu inihingahu ato, “Ma roehe naa ena ihihubaka o pangaoika.” Nako hokogea inihingahu, gea ho koaho ngaro ufa dika de niaolomo ma roehe gea, done o nyawa gea abe inihingahuoka ahao manga hiningaka nihipusingi ma titi nia datoro gea.

1 Korintusu 10:28 ပူးပေါင်းရင်းမြစ်များ

Higiriiri 24:1

O dunia naa de ma dola mata-mata, gea ma dutu Ma Jou o Yawe dika. De ai dulaada ka ma moi de ngone o nyawa mata-mata abe homanoa naanguku, duru mata-mataika idadioka to Una dika ai kuahaka.

Huhupu 9:29

De o Musa wipaluhu wato, “Nako hokogea, ka idadi miniduhunu. Ka de ani kotaino naa tohupuoka de ahao ahi giama tohidoakiye Ma Jou o Yaweiye de tininiata ngini. Ka de tininiata ibooto de o kuruuhu de o es ma awana naa iogoroka ho enangoo gea ibooto inihikangela. Ma Jou wapuraraha de naa Una wohiogoro la duru itaana ngonaika abe o dunia naa duru to Ma Jou o Yawe ai dunia ho duru to Una ai kuahaka igogere.

Roma 14:15

Ho nako nginioka naga abe niaolomo o inomo moi abe nanga gogianongoru utu yamao manga hiningaka ato gea ko idadiua yaolomo de ona inimake, gea tanu niahigaro onangika la yodiai moi abe ona yamao o howono ho hiadono yohuha manga hiningaka. De nako hokogea niahigaro onangika, gea nia datorino de ko nianiikokaua o dora. Ho iti ufa ma titi nia inomino dika de hiadono niahirehene nia gogianongoru de manga ngongaku ma wowango nihirusaka genangino. Angamoi nanga Baluhu o Kristusu wohonenge ma titi waduhunu nia gogianongoruoo gea abe imaketero hoka wohonenge ma titi ngone utuoli, ho ufa hahiruba onangika masara kiani homakao de o dora dika.

1 Korintusu 10:26

Angamoi o dunia naa de o dunia ma kiahonanga mata-mata, gea mata-mata to Ma Jou ai dulaada.

1 Korintusu 8:7

De ngaro gea mata-mata ngone hohioriki igoungu, masara naga utu yongaku-ngakuoka abe manga tobahioriki ma titi ma pangao gea ikurangohi ihioriki. Abe duru ma dekanino naa ona utu ato bote o pangao gea ma gou-goungu. Ho nako hiadono ona yaolomo ma roehe gea abe ihihubaka o pangaoika, gea doka manga hiningaka yamao imaketero hoka yomahuba o jou utuika, de ona gea done yamao yahowonoka. Angamoi manga hininga ma oraha gea ka de itemo de yahitiari ato ufa ma roehe gea yaolomo, masara ko ihigihenua ho ka yaolomo dika ma roehe, ho ko itiaiua yomangiriki. Masara gea yopusingi angamoi manga tobahioriki ikurangohi.

1 Korintusu 8:9

Masara ngaro ma inomo gea ko kia-kiaua, ma ngini kiani duru nimahidodiai done o bebeleke nidiai nia gogianongoruika. Abe ngini utu nihiorikoka ka idadi ma roehe gea niaolomo dika, masara ngini utuoli ko nimahigunoauahi la ma roehe gea niaolomo angamoi genangoka de done niato niahowono Ma Jouika.