1 Korintusu 1:19 - Ma Jou ai Demo-demo o Totobelohoka

¹⁹ De gea ahi demo igoungu angamoi ka imakiniiki de to Ma Jouoli ai demo. Abe ma dihira naga itulihukuoka Ma Jou ai Demo-demo naa, abe Ma Jou wotemo wato, “O sosawaro ma nyawa manga sosawaro ahao tohibinaaha, de abe o sosawaro ma nyawa ahao ngohi todiai la ona ko ihiorikokaua.” Hokogea itemo Ma Jou ai Demo-demoka.

1 Korintusu 1:19 ပူးပေါင်းရင်းမြစ်များ

Yesaya 29:14

“Ho mangale ma titi manga hininga hokogea ho Ngohi ahao todiaioli o heheranga manga hidogoronaino. De ma heheranga gea duru o fara moi abe yahitodokana onangika. De genangino ahao tahimatoko abe o nyawa manga sosawaro gea ko kia-kiaua, de ngaro o nyawa abe duru de manga tobahiorikoka masara manga hininga ko aboaikaua genangika!”

1 Korintusu 3:19

Abe o duniaka manga sosawaro, gea o bodo Ma Jou ai himangoka. Abeika Ma Jou ai Demo-demo abe ma dihira ihitulihukuoka ato, “O sosawaro ma nyawa manga sosawaro Ma Jou wale de gea wohikawalimi la idadi hoka o modoi onangika abe yatobaliko genangoka.”

1 Korintusu 4:10

Ngomi naa imifetongo o bodo ma nyawa angamoi o Kristusu wiwiniiki, masara nako ngini hokogenangua, abe bote ngini duru nisosawaro o Kristusoka. De nako ngomi ka imibole-bole dika, masara ngini nipoputurungu! De nako ngini, niamake o hayanga o nyawaino, masara ngomi naa imiemono dika.

1 Korintusu 4:6

De ahi gogianongoru, ahi huratoka naa abe tapake to Apoloso ai romanga de to ngohi ahi romanga, gea mia romanga tapake de tohitulihuku dika la tinidotoko nginika. Abe ngohi tato tinidotoko la ngini Ma Jou ai Demo-demo duru nianiiki de ufa hiadono o nyawa onagona dika de ngini niagorakiye de niahigiriiri ona gea, done utu duru niagorakiye de naga utuikali duru niadohata.