1 Korintusu 1:16 - Ma Jou ai Demo-demo o Totobelohoka

¹⁶ Masara igoungu naga o Setefanusu de ai tau, onangoo taohiki. Masara o nyawa utuoli abe taohiki, ngohi tato marai ko iwaka. Ka ona dika ngohi taohiki.

1 Korintusu 1:16 ပူးပေါင်းရင်းမြစ်များ

Hidingoto 11:14

Angamoi una ahao wonihingahu ngonaika abe hokokia ma ngekomo la ngona de ani tau mata-mata ka idadi Ma Jou winiduhunu nia howo-howonino!’”

Hidingoto 16:15

De muna mingakuoka de ahao muna de abe ona ami tauoka ona yomaohiki. De yomaohiki ipahaino de muna momagahoko la ngomi mimaidu to muna ami tauoka. Abe motemo mato, “Nako ngini nihidafongo ngohi abe tagou-goungu tingakuoka nanga Baluhu idodutuika, gea de ahao tomagahoko la ngini nimanoa ahi tauoka.” De muna mohigali-gali momagahoko hokogea, ho ma bahauku de mianiiki ami higaro ma demoika.

Hidingoto 16:33

De duru ma oraha gea de ma gogoana ma haeke una waihoro de watebini ona yahinooto manga nabo, de watebini ipahaino de ahao una de ai tau ona mata-mata yomaohikoka!

1 Korintusu 1:15

Angamoi nako nengokadau de tiniohiki ngini, done ngini ka idadi nimahingahu niato, “Ngomi naa imiohiki de o Paulusu ai romanga yapake.”

1 Korintusu 16:15

De ahi gogianongoru, ngini niahioriki o Setefanusu abe ona o tau moi, ona gea duru yohira o Akaya ma propinsioka abe iwingaku nanga Baluhika. De niahiorikoo abe ona ma dihirainohi de duru yaleleani Ma Jou ai nyawaika.

1 Korintusu 16:17

De naa ngohi duru togarago ma titi ti ngini nia dodiawo yaruange gea abe nginioka de yoboa ngohino, abe ona gea o Setefanusu, de o Forotunatu, de o Akaiko. Ngohi togarago angamoi ngaro ngini ko iniwa ngohioka, ma ona yaruange gea naga yoboa ihitutumoka de ihiduhunoka ngohino hiadono ngohi tato ona yodadioka hoka ti ngini nia duruuru ngohino.