1 Korintusu 1:13 - Ma Jou ai Demo-demo o Totobelohoka

¹³ De naa tinileha nginika, mode o Kristusu gea iwireguoka? Eko mode ngohi o Paulusu ihihidapakuika o gota isosalioaika la ngini niamake ma utumu? Eko sarakia, mode ma oraha ngini iniohiki de ngohi o Paulusu ahi romanga yapake? Koua, hokogenangua, e?

1 Korintusu 1:13 ပူးပေါင်းရင်းမြစ်များ

Matiusu 28:19

De mangale ma titi ma oraha naa de o kuaha mata-mata naga ahi giamoka ho Ngohi ka idadi tinihibehehongo de tinihitagongo hokonaa nginika. De tinihitagongo la ngini niloiki o dunia ma amokika de nihiabari ma titi Ngohi o nyawa mata-mataika la onangoo ka idadi ihinii-niiki Ngohi. De ona abe ahao ihinii-niiki, ngini niaohiki ona la genangino ona yomahitunguu abe ona gea duru yomatingakoka de Ma Jou o Baba, de Ma Jou o Ngofaka, de Ma Jou o Womaha.

Matiusu 3:6

De gea yoihene de ahao ona manga ngoe yomamao ma titi manga howo-howono Ma Jouika, ho gea yomangaku manga howono de ahao o Yohanese waohiki ona gea o Yorodani ma akeroka. La ma dodunguuino gea de itararono abe ona yotobaka.

Hidingoto 10:48

Ho una wahuloko la ona ka idadi yomaohiki ma titi manga ngongaku o Yesusu Kristusu ai romangika. De yomaohiki ipaha de ahao o Koroneliusu wogahoko la o Peturusu womahidodogumohi o wange muruonohi unangoka.

Hidingoto 19:5

Ka de yoihene ai demo gea de yoigo yomaohiki de nanga Baluhu idodutu o Yesusu ai romangino, ho naga abe yaohiki onangika.

Hidingoto 2:38

De o Peturusu wopaluhu wato, “Ngini homoi-homoi kiani nitoba ho nia howono nioporete de nimangali Ma Jouika. De kiani nimaohiki mangale ma titi nia ngongaku o Yesusu Kristusu ai romangika. De nako ahi demo nianiiki gea ahao Ma Jou waofi ti ngini nia howo-howono de niamake ai hidoaka nginika abe Ma Jou o Womaha winihidoaka.

Hidingoto 8:16

angamoi ma dihiraino de Ma Jou o Womaha ko yalufunguahi onangika. Abe ma oraha gea ona ahao yomaohiki ma titi iwingaku nanga Baluhu idodutu o Yesusika, masara ko yafokumuahi.

Roma 14:9

De to ngone nanga Baluhu idodutu o Kristusu, Una gea wohonenge de wowangokali la ka idadi genangino de wodadi nanga Baluhu idodutu. Abe ngaro yohone-honengoka eko ngaro ngone ka howangohi, masara Una wodadi to ngone mata-mata nanga Baluhu. Ho koaho ngone howango hototiai la ka idadi hihisanangi ka Unangika dika.

1 Korintusu 1:15

Angamoi nako nengokadau de tiniohiki ngini, done ngini ka idadi nimahingahu niato, “Ngomi naa imiohiki de o Paulusu ai romanga yapake.”

1 Korintusu 10:2

De gea ka idadi tohiromanga tato ona mata-mata yodadioka to Musa ai nyawa mangale ma titi ka ihikaika ona iwinii-niiki unangika. Ho ngaro abe ma oraha o lobi ma lou yahihira-hira eko ngaro abe ma gahi gea ngade-ngade yakokitamunoka, ma ona iwikokiniiki o Musaika, ho ona mata-mata yodadioka o Musa ai nyawa.

2 Korintusu 11:4

De ngohi tohawana angamoi ngini genangoka ngaro o nyawa o kia dika yoboaino de inidotoko masara gea ngini niadafongo de niatoihene onangika. De abe o nyawa yoboa de inidotoko nginika abe ma titi o Yesusu, de ma dodotoko gea ma demo duru imakohowono de abe ngomi ma dihiraino minihingahuoka ma titi o Yesusu. De masara ngaro duru imakohowono ma ngini ka niodafongo dika manga dodotoko! De ngaro ma dihiraino de ngini niwidafongoka Ma Jou o Womaha, masara naa ma duru naga inidotoko ma titi o womaha moioli de ngini ka nihigihene manga dodotokika gea! De ngomi ma dihiraino minihingahuoka o Abari ma Rorahai de hiadono ngini niodafongo ma abari gea, masara naa hadongoo de nitoihenoli o nyawaika gea abe o abari moioli inidotoko nginika! De gea ma titi hiadono ngohi tamao abe kiani ngini tinigoana.

Galatia 1:7

Masara tanu o Abari ma Rorahai gea moi dika, de nako utu gea duru ko iwa. De abe ma dodotoko moioli gea, igoungu naga o nyawa utu abe manga dodotoko ma titi utu yale o Kristusu ai Abari ma Rorahaiino, masara gea de ahao ihikawalimoka ma titi hiadono yaturuuruoka. De ma dodotoko moioli gea abe inidotoko nginika hiadono duru inihikangela de inihipusingi nia hiningaka.

Efesusu 4:5

De abe to ngone nanga Baluhu, Unangoo ma ka womatengo dika. De nako nanga ngongaku nanga Baluhika, enangoo ka moi dika. De ngaro ngone homaohiki abe ma titi hohitunguu nanga ngongaku gea, ma enangoo ma dumutu ka moi dika.

Titusu 2:14

Abe Una gea womahidoaka la ka idadi wonahihohe nanga howono ma kuahaino de wonahitebini nanga wowango. De ai datorino gea de wonatingaka Unangino la hiadono hodadi to Una ma hirete ai nyawa, de Una woigo wato ngone duru inamagawe hotobadiai ma rorahai dika. Ho mangale ma titi ai hininga ma owa gea ngoneino ho hiadono ngone mata-mata kiani nanga wowango hao itiai ma oraha naa de ka hiadono nanga Baluhu ai gahe ma wange adonoka.