1 Kokoano 9:3 - Ma Jou ai Demo-demo o Totobelohoka

³ Ho Una witemo ma koanoika wato, “Ngohi naa togihenoka ani gogahoko ma demo abe ma dihiraino nomagahoko ahi duduhunu. Abe Ngohi tomadingakoka ahi Tau gea abe nohigoko ibooto la idadi to Ngohi ahi Tau de tomanoa genangoka ma oraha naa de ka hiado-adonika. De to Ngohi ahi Womaha ka ihikaika naga ma Tauoka gea.

1 Kokoano 9:3 ပူးပေါင်းရင်းမြစ်များ

2 Kokoano 21:7

De nagali abe o Manase una ma hirete wodiai ma dimo-dimo o Asitorete ma liate moi. De ma pangao gea wodiai ibooto de ahao enangoo wohigoko duru Ma Jou o Yawe ai Tau ma loaka. De hokogea o Manase wodiai ngaro ma dihira Ma Jou o Yawe wahibehehongo o Dautika de ai ngofaka o Saloomoika, wato, “To Ngohi ahi Tau nenanga abe nihidiai o Yerusaleeme ma kota ma goronaka tomadingakoka ahi romangika. Abe Ngohi tairiki o Isiraele ma nyawa manga dutu yangimoi de yahinootoino manga tonaka. De manga tonaka mata-mataino o kota moi tairiki la genangoka ahao Ngohi Ma Jou o Yawe tomanoa manga hidogoronaka. Ho duru to Ngohi dika ahi romanga o nyawa yagorakiye ahi Tauoka naa de ka hiado-adonika.

2 Tawari 6:40

De ahao o Saloomo womagahokohi Ma Jou o Yaweika, wato, “De naa, ahi Jou duru togahoko la ka ihikaika nomilega-lega ngomiuku de nomigihene ma oraha ngomi naga ani tau naa ma goronaka de mimaniata Ngonaiye.”

Higiriiri 34:17

Ma, abeika ona abe manga wowango ma datoro itiai, Ka de yomaniata Ma Jou o Yaweiye, yomagahoko o duduhunu, De Una wahigihene de manga kangela mata-mataino wahihupu.

Huhupu 20:11

Ngohi o wange butaangaino totulaada o dunia de o dihanga de o gahi, de ngaro to ena ma dola mata-mataika, masara gea mata-mata o wange butaangaino dika de tabootoka totulaada. Ho de ma wange ma tumidi gea ko totulaadokaua ho ma wange gea Ngohi tohiowa de duru tomadingakoka Ngohino ho ma wangeoka gea ona yamake ma owa abe manga hiaini ihititi manga horomatioka Ngohino.”

Gegetongo 16:38

Kiani hokogea de manga manyanyi ma dudufuku ma ngi mata-mata abe yapake o nau-nauru gea abe manga howono yofangu de manga wowango. De o manyanyi ma dudufuku ma ngi mata-mata nako o Eleasara watoomuino ibooto de ahao watutukoli hiadono ma baka-bakaka ka hiadono ma ngina-nginakahi. De gea ena ahao una de ona abe iwiduhunu yapake la o haro-harongo ma huhuba ma ngi ihilape ma poretino. Ngini kiani hokogea niapake ma tabaaga gea abe ihisapuru o hori angamoi ma dihira o manyanyi manga dudufuku ma ngi gea ona ihidingakokau Ngohi Ma Jou o Yaweino. Ho naa idadi o haro-harongo ma huhuba ma lape ma lokuoka. De ahao ka ihikaika ka de o Isiraele ma nyawa yamake ena gea ma oraha manga huhuba yomahihuba de ona yomahihohininga ma hohowono abe o wange naa idadioka. De ona yomahitiarioo la ufa ihigalioli ihilawana Ngohino.” Hokogea Ma Jou ai behehongo o Musaika de hokogea wadofanga o Eleasarika.

Matiusu 6:9

“Ho ngini abe ma oraha nimaniata de nia demo niapake hokonaa, niato, ‘Mia Baba o Horogaka, ngomi duru miagorakiye to Ngona ani romanga ma titi Ngona dika nokokurutiye.

Yohanese 11:42

De Ngohi tohiorikoka ka ihikaika Ngona nohihigihene, ma Ngohi totemo hokonaa la o nyawa ihigilolitino naa ka de yoihene de yangaku abe Ngona nohihidingoto Ngohi naa.” Hokogea ai gogahoko ma demo.

Hidingoto 10:31

De una wohihingahu wato, ‘Koroneliusu, to ngona ani niniata ma demo Ma Jou woihenoka, de abe o dora ma hidoaka nahidoa-doaka o hu-huha ma nyawaika gea Ma Jou wamakeoka ho ai hininga itagi ngonaika.

1 Yohanese 5:14

De ngone ngaro ufa hohawana abe ma oraha homaniata de homahitigi Unangika, masara koaho nanga hininga de ma domoroinoka hoboa Unangika nanga niniatoka. Angamoi hohiorikoka abe ngaro o kia dika homagahoko Unangika, masara nako nanga gogahoko gea itaana de to Una ai mau, gea ahao Ma Jou wonahigihene nanga gogahokino.