1 Kokoano 9:28 - Ma Jou ai Demo-demo o Totobelohoka

²⁸ De ahao ona yohidete o Ofiri ma tonakika la ka idadi yamake o gurasi genangoka. De igoungu o gurasi ma amoko yamake ma tonakoka gea ho yale de ihibarene ma kapaka de ahao yolio de iwiao o Saloomoika. De gea yomahiadono de iwihidoaka manga koanoika o gurasi abe ma dubuho o kilo o sana ngimoi de iata.

1 Kokoano 9:28 ပူးပေါင်းရင်းမြစ်များ

1 Kokoano 10:11

De ma dihiraino abe ma oraha Ma Jou o Yawe ai Tau ko ihigokuahi de ma koano o Hurama ai huhuloko ma nyawa manga kapa ahidete. De manga kapa gea yapake la Ma Jou ai Tau ma hidiai ma kiahonanga ona ihibarene de yaoino o Ofiri ma tonakoka de aino, de gea yaoino o gurasi ma dutu. De utuoli abe yaoino o hakaru ma leto-letongo de o gota duru ma rorahai.

1 Kokoano 10:14

De o tao-taongiye o Saloomo wamake o gurasi ma dutu hiadono ma biaha o kilo o sana monaoko de hange o gurasi ma dubuho abe wamake o taongo amomoiino.

1 Kokoano 22:48

De ma oraha gea doka o Edomo ma tonakoka de ko iwa manga koano, masara naga womatengo abe iwiahoko manga gubernuuru abe wahipareta onangoka.

1 Kokoano 22:49

De ma oraha o Yosafata wohikoano de una wahuloko ai nyawa la yodiai o kapa ma ago-agomo ma ngoeika. Abe ma koano ai hininga la to una ai nyawa ka idadi yotagi-tagi yohidete o gahioka hiadono o Ofiri ma tonakika de genangoka yamake o gurasi de gea yao unangino. Masara ngaro yodiai ibooto ai kapa gea ma ko yomahiadonikaua o Ofiri ma tonakika angamoi o Esiono Geberokahi de ma kapa gea ikokirusakoka.

1 Tawari 29:4

Abe ngohi tohidoakoka o gurasi ngade-ngade o kilo o sana o ratuhu moi abe ka enangohi o gurasi ma dutu. De to ngohi ahi haaka ngade-ngade o kilo o sana o ratuhu hinooto de moruata tohidoakoka. Ho ma gurasi de ma haaka gea ahao yapake la gea idadi ma dadaduhu ma lape.

2 Tawari 9:10

De ma dihiraino abe ma oraha Ma Jou o Yawe ai Tau ko ihigokuahi de ma koano o Hurama de o Saloomo manga huhuloko ma nyawa manga kapa ahidete. De manga kapa gea yapake la Ma Jou ai Tau ma hidiai ma kiahonanga ona ihibarene de yaoino o Ofiri ma tonakoka de aino, de gea yaoino o gurasi ma dutu. De utuoli abe yaoino o hakaru ma leto-letongo de o sendana ma gota.

Tobadotoko 2:8

De tomahidogoo o gurasi de o haaka de o kiahonanga utu abe duru de ma ijaka abe o kokoano de o popareta ma nyawa ihihidoaka ngohino. De nagali tahikarajaanga ona abe yotobanyanyi la ka idadi totobaihene manga nyanyiangika. De hongoli naga ngohioka ngohi fekata manga ngoe abe duru yohohailoa / yororahai, ho ka ihikaika ngohi naga de ahi sosanangioka!