1 Kokoano 9:25 - Ma Jou ai Demo-demo o Totobelohoka

²⁵ De o taongo moi ma hange de o Saloomo waoino o huhuba ma ngoe o huhuba ma ngiino abe una wodiai de wodingaka Ma Jou o Yaweika. De ma huhuba ma ngioka gea de una womahihuba o huhuba iharo-harongo ma ngoe de nagali ai dame ma huhuba ma ngoe. De nagaoo ai huhuba o manyanyi abe una wotufu-tufuku Ma Jouiye ma oraha gea. Ho manga karajaanga ibooto abe ihigoko Ma Jou o Yawe ai Tau de naa ka idadi ai huhuba gea womahihuba Unangiye genangoka.

1 Kokoano 9:25 ပူးပေါင်းရင်းမြစ်များ

Huhupu 30:7

De Ma Jou wogila-gila wihingahu o Musaika, wato, “De ahao o wange-wangeiye ma oraha o Harunu wowohama o ngoru-ngorumino la o hilo ma sumbu ma kuru wakokiteturu de kiani o manyanyi ma bounu ma rorahai wotufuku o Manyanyi ma Huhuba ma Ngioka.

Huhupu 34:23

Ho ma oraha o rame-rame ma hangeino gea o Isiraele ma nyawa o nau-nauru mata-mataika abe yobaluhoka kiani yoboa Ngohino, abe ti ngini o Isiraele ma nyawa nia Jouino, la gea yomahuba Ngohi Ma Jou o Yaweiye.

Hihira 11:40

De manga hohininga yodiai hokonaa, o tao-taongiye o Isiraele ma nyawa manga momoholehe yohupu ma hoanika de manga wange iatino ma dekana la yomahohininga o Yefata ngoi ora ami dubuho abe imidaene munangika. Muna o Isiraele ma nyawa abe manga dutu adaene o Gileada ma nyawaika.