1 Kokoano 5:6 - Ma Jou ai Demo-demo o Totobelohoka6 De ngohi tomagahoko la ngona nomihidailako ma tau gea ma gota, ho toigo nahuloko ani nyawaika la yoiki o Libanono ma tonakika de yotolanga o semara ma gota ma ngoe de ihidingoto gea ngohino. De ngohi ka idadi tahidingoto ahi nyawa nginika la yomakuduhunu yokarajaanga de to ngona ani nyawa. De hongoli ngohi ka idadi tofangu nia nyawa manga hewa ma tiwi abe hokokia dika ma amoko itiai ani hiningaka. Angamoi duru itararono abe to ngona ani nyawa o Sidonoka, ka onangohi gea duru yososawaro yotobatolanga o gota!” အခန်းကိုကြည့်ပါ။ |
1 Kokoano 5:6
20 ပူးပေါင်းရင်းမြစ်များ
De o Saloomo ka ihikaika womahidogo ai kuda de ai goroba parangi hiadono duru kohangoe. Abe nako ai kuda mata-mata ma ngoe gea o sana ngimoi de hinooto. De ai goroba parangi naga o sana moi de o ratuhu iata. Ho naga ai tonakoka o kota utu abe genangoka homoi-homoi yapaliara ai kuda de nagali ai goroba ma ngi-ngi ma kotaka gea. De o Yerusaleeme ma kotakaoo naga ai kuda de ai goroba parangi ma ngi-ngi.
De o Saloomo ai hurata ma demo gea wohidingoto o Huramika, de ipaha ma oraha una woihene o Saloomo ai demo de duru wosanangi ho wato, “Irahai ngone hihigiriiri Ma Jou o Yaweika mangale ma titi Una wihiowa o Dautu de ai ngofaka naa abe duru wososawaro la wodadi o Isiraele ma nyawa manga ngoe gea manga koano.”
De naga o Dautu ai gota abe ma dobiki amomoi ma ago-agomo abe yafafoinoka ka hiadono o nyawa yokangela yaetongo. De gea o semara ma gota abe o Sidono de o Tirusu ma nyawa ma gurutoka de yaoino angamoi manga hidoaka o Dautika. De o gota gea abe duru ka enangohi iumuru de irahai, de una wosanangi wahidailako la yapake Ma Jou ai Tau yodiai.
De ahao o Saloomo ai tentara wahidogo ka hiadono ai tentara duru de manga buturungoka. Abe o parangi ma goroba wohidogo ka hiadono ma ngoe o sana moi de o ratuhu iata. De ai kuda abe o goroba atauru eko o kuda abe yobarene ma poretoka enangoo utuohi ma ngoe wohidogo ka hiadono ai kuda mata-mata o sana ngimoi de hinooto ma ngoe. De ai parangi ma goroba de ai kuda waregu de utu wohingohama o kota-kotaika abe una wairikoka la idadi imaketero hoka o parangi ma dadatoko. De ma kota gea homoi-homoiika ihiromanga o goroba ma kota. De abe ai kuda de ai goroba ma regu moioli gea wakelenga ai datekoka abe o Yerusaleeme ma kotaka.
De ngohi tahidailako manga inomo, ani nyawa abe o gota gea yotobakarajaanga hokonaa, o gandumu abe idadioka o tarigu abe nako o duduga o litere moi gea miapake de gea ena miatuga o tarigu ma duduga o juta iata ma ngoe. De o gandumu o jelai imakadaene ma duduga ho enangoo ma duduga o juta iata ma ngoe. De tahidailako manga ngokere o angguru o litere o sana o ratuhu iata de monaoko, de manga minya o saitunu ma hofokino enangoo o litere o sana o ratuhu iata de monaoko.” Hokogea o Saloomo ai hurata o koano o Huramika abe wahikoano o Libanono ma nyawa.
“De o koano, nako nosanangi de ahi gogahoko ma duduhunu de o semara ma gota abe iwango to ngona ani tonakoka o Libanono de igoungu ngohi toperelu o gota utuohi iwoe abe o semara, o gofiri, de o sendana ma gota. Ngohi tahioriki abe naga to ngona ani nyawa abe ka onangohi yososawaro o gota yotolanga de ihihupu o loku-lokuino. De to ngohi ahi nyawa, abe onangoo yotobatolanga o gota, ona tahidingoto ngonaika la ka idadi yomakuduhunu de to ngona ani nyawa to ngona ani tonakoka.
De o Isiraele ma nyawa yomahidiaioka yomulaenge Ma Jou ai Tau ihigoko ma hungi ho yahidoaka o hewa ma tiwi onangika abe yososawaro o gotaino o tau yodiai, de o hewa ma tiwi yahidoakoo onangika abe yososawaro o dadaduhu ma hakaru ihidemehele itiai. De ona yoperelu abe o gota o semara ho yomagahoko o duduhunu o Sidono de o Tirusu ma nyawaino. De ona ka idadi yaduhunu abe naga manga kapa la ka idadi o semara ma gota gea yale o Libanono ma tonakino de yao o Isiraele ma tonakika de manga kapa gea. De o Sidono de o Tirusu ma nyawa manga duduhunu gea yabalaha abe de manga inomo, de manga akere, de manga minya yahidailako. De mata-mata gea o koano o Korese wohiaturu ka hiadono ma gota gea yao o Isiraele ma nyawa manga kota o Yopaika abe naga o gahi ma ngigoroka.
De ngohi totemo onangika tato, “Nako ngini ka niomodeke la nifangu ngohino gea nihihidoaka dika ahi hiaturino ma hewa, ma nako ma bobangu niatumungu, gea borotaua de nifangu.” Hokogea ngohi totemo de ona yofangu de manga hidoaka ngohino de gea yaetongo ngohino ahi tiwi o haakaino ise-senge moruange.
De abe nako naga o nyawa yodiai itorou nginika, gea ngini ufa nimahibalaha de o dorou onangikali, masara nihidodiai la nia datoro irorahai dika onangika. Abe nako naga ma datoro abe o nyawa mata-mata manga himangoka de yaetongo ato ma datoro gea duru itaana de irorahai, gea ena ma datoro ngini nianiiki.
Ho naa, ahi gogianongoru o Yesusoka, ma titi moioli tato naa tinihibehehongo. Doka nia hiningaka kiani ka ihikaika niongano-nganono o kiaka abe ma gou-goungu, de o kiaka abe naga de ma horomatioka, de o kiaka itiai, de o kiaka abe ko iwa ma howono, de o kiaka ihohailoa, de o kiaka abe ngone mata-mata hohiromanga gea irahai, gea mata-mata kiani niongano-nganono. Abe o kia dika naga hohiromanga duru ma rorahai de duru ma owa, genangika dika ka ihikaika niohohininga.
ကြော်ငြာတွေ