1 Kokoano 5:4 - Ma Jou ai Demo-demo o Totobelohoka

⁴ Ho ipahaino abe ma oraha naa de ahi Jou o Yawe wohihidoakoka ma hilaku gea ho ma parangi mata-mata ibootoka de ko iwa ahi musu ma oraha naa. De ngomi nenangoka miwango misosanangi dika de ma dameoka.

1 Kokoano 5:4 ပူးပေါင်းရင်းမြစ်များ

2 Samuele 7:5

“Ngona kiani noikoli ahi gilaongo o Dautika de hokonaa ahi hingahu abe kiani nadofanga unangika, nato, ‘Hokonaa Ngohi Ma Jou o Yawe ahi hingahu ngonaika. Marai ngona Dautu nato nodiai o tau moi abe utuohi irahai la ka idadi Ngohi togogere genangoka e?

1 Kokoano 11:25

Ho abe ma oraha o Saloomo wahikoano o Isiraele ma nyawaika de o Resono wodadi o Siria manga koano de o Resono ka ihikaika walawana de wahikokangela onangika angamoi duru wadohata o Isiraele ma nyawaika. De gea ai hininga de ai datoro duru imaketero hoka o Hadada unangoli ai datoro abe watobalawana o Isiraele ma nyawaika.

1 Kokoano 5:18

De hokogea o Saloomo ai nyawa de o Hurama ai nyawa de nagali o nyawa utu abe o Gebala ma kota ma nyawa, ona mata-mata yomakutuono yokarajaanga la ihidiai ma hakaru de ma gota la ka idadi genangino ihigoko Ma Jou o Yawe ai Tau gea.

1 Tawari 22:9

Ma, abeika, ahao to ngona ani ngofaka o nauru womaboa abe una wodadi ani duruuru la wahikoano ahi nyawa de una tihiromanga o hikadame ma nyawa. Ngohi ka idadi unangika tihidoaka o hiaini o parangino angamoi una ahao wososawaro o nyawa wahikadame de wahiriidi. Ngohi Ma Jou tihiakunu hokogea la una winihikokadame de ona abe ko o Isiraele ma nyawaua abe ona yogogere o tonakoka abe inihigilolitino. De ma titi gea to una ai romanga o Saloomo angamoi unangika tihidoaka o dame ma hiaturu de o hiriidi abe ilaku o Isiraele ma tonaka mata-mataika ka hiadono ai wowango ma baha.

Hidingoto 9:31

De ipahainoli de o Yesusu ai gareja ma nyawa hatoli ikurangoka abe o nyawa yahikangela onangika. Ho ngaro o Yudea ma tonakoka de ngaro o Galilea ma tonakoka de ngaro o Samaria ma tonakoka, masara ai gareja ma nyawa abe yomanoa ma tonaka mata-mataika gea manga hininga ka idadi iriidi. De ona manga ngongaku ka idogo-dogo iputurungu, de ka ihikaika naga manga horomati itagi nanga Baluhu idodutuika. De nagali abe Ma Jou o Womaha ka ihikaika wahigaro ona abe manga ngongakuika. De ka ihikaika o nyawa yodogo-dogo abe iwingaku Unangika ho ai gareja idogo-dogo ilamoko.