1 Kokoano 5:15 - Ma Jou ai Demo-demo o Totobelohoka

¹⁵ De nagali o nyawa yasana moritufange abe o Saloomo wahitagongo la o hakaru yopawa o loku-lokuoka de ma hakaru gea ahao yapake la ihigoko Ma Jou ai Tau. De naga o nyawa utu yasana moritumidi abe yatobatotaka ma hakaru gea de o kiahonanga utuoli o Yerusaleeme ma kotaino.

1 Kokoano 5:15 ပူးပေါင်းရင်းမြစ်များ

2 Samuele 5:11

De ma oraha o Dautu wodadioka o koano de ahao o Tirusu ma nyawa manga koano o Hurama una wahidingoto ai nyawa yamuruono naga o Dautika. De nagali o Hurama ai nyawa abe yososawaro ihigoko o tau wahidingoto unangika. Abe naga utu yososawaro yopelaka o gota, de utuoli yososawaro yokarajaanga de o papaawa o hakaruoka. De wohidingotoo o semara ma gota ma ago-agomo de ma gogurutiye abe atolangoka. Ho ona mata-mata abe wahidingoto o Dautika ona yomahikarajaanga moi la ihigoko o Dautu ai tau moi duru ma rorahai.

2 Tawari 2:1

De naa o Saloomo womaputuhu adonoka ma oraha womahidiai wohigoko Ma Jou ai Tau abe genangoka o nyawa Ma Jou o Yawe ai romanga yagorakiye ma oraha yomahuba-huba Unangika. De wato o tau duru ma rorahai moioli wohigoko abe yodingakoka o kokoanoika abe ahao yahikoano o Isiraele ma nyawa. Ho naa ka de yodiai ibooto de idadi o Saloomo to una ma hirete ai tau.

2 Tawari 2:2

De ona abe yokarajaanga ihigoko Ma Jou ai Tau de o koano ma tau kiani o Saloomo wohiaturu manga karajaanga. De ona abe yokokarajaanga o kia dika naga manga hidimono abe yahiaturu manga karajaanga. De manga ngoe yasana moritumidi, de ona abe yososawaro o hakaru yopawa ihidiai, ona yasana moritufange abe wahikarajaanga o loku-lokuoka. De ona abe yahiatu-aturu ona yotobakarajaangika, ona manga ngoe yasana hange de yaratuhu butaanga.

Yosua 9:21

De ahao ma hihira gea ka yotemohi ato, “Ho abeika kiani hahigunoa la yowango dika.” De gea o Isiraele ma nyawa manga balu-baluhu yomatoomuino de yomakoketemo ma titi ona gea, ho ipahaino de manga putuhu naga la o Hewi ma nyawa gea yahikarajaanga. Ho ona gea yodadi o Isiraele ma nyawa mata-mata manga duduhunu, abe ma titi yatobaono-onoko manga akere de yatobaoto-oto manga hidaulu ma gota.