1 Kokoano 5:11 - Ma Jou ai Demo-demo o Totobelohoka

¹¹ De o Saloomo unangoli o tao-taongiye wohidingoto o inomo kohaamoko o Huramika la ka idadi una de ai nyawa ai tauoka yaolomo. Abe o taongo amomoiino wohidingoto manga gandumu ma duduga o juta iata ma ngoe de manga minya o saitunu ma hofokino abe duru iree-reeika, gea o litere o sana o ratuhu iata de monaoko wahidingoto onangika.

1 Kokoano 5:11 ပူးပေါင်းရင်းမြစ်များ

1 Kokoano 5:10

De hokogea manga hiaturu ma demo ho o Hurama wohidingoto o semara de o sendana ma gota ma ngoe abe imakiniiki de o Saloomo ai gogahoko.

2 Tawari 2:10

De ngohi tahidailako manga inomo, ani nyawa abe o gota gea yotobakarajaanga hokonaa, o gandumu abe idadioka o tarigu abe nako o duduga o litere moi gea miapake de gea ena miatuga o tarigu ma duduga o juta iata ma ngoe. De o gandumu o jelai imakadaene ma duduga ho enangoo ma duduga o juta iata ma ngoe. De tahidailako manga ngokere o angguru o litere o sana o ratuhu iata de monaoko, de manga minya o saitunu ma hofokino enangoo o litere o sana o ratuhu iata de monaoko.” Hokogea o Saloomo ai hurata o koano o Huramika abe wahikoano o Libanono ma nyawa.

2 Tawari 9:22

Ho o Saloomo ka ihikaika ai kaya de ai sosawaro ka idogo-dogo hiadono ngaro o dunia ma amokika ko iwa o koano utu abe manga kaya eko manga sosawaro imakadaene hoka to unangoli.

Hidingoto 12:20

De abe ma oraha gea de naga o liliara moi ipuda abe ma titi o Tirusu ma nyawa de o Sidono ma nyawa abe ona de ma koano o Herodese Agaripa ko yomaketesanangiua. Ho o Herodese Agaripa una wangamo ona mata-mataika o Tirusu de o Sidono ma kapongoka ho hiadono una wahuloko ai nyawa la ibootohi o redi ma hasili ma inomo yafukunu o Tirusu de o Sidono ma nyawaika. Ho ma kapongo hinooto gea yahidingoto manga nyawa yamuruono naga la yomahikaaturu hokokia de ma koano la ka idadi yomaijali o inomo ai tonakino, angamoi manga inomo ma amoko iboa o Herodese ai tonakoka de aino. Ho manga nyawa gea yomahiadono de yoiki womatengoika abe ai romanga o Balatusu, abe una ma koano ai duduhunu abe ka ihikaika una naga ma koano ai datekoka. De ona iwihigaro unangika la ato unangoli ahao wihigaro ma koanoika. De gea ona yoigo la ka idadi yomakamake de ma koano la manga hikaaturu ma demo una ka idadi wotoihene.