De ma oraha o Dautu wodadioka o koano de ahao o Tirusu ma nyawa manga koano o Hurama una wahidingoto ai nyawa yamuruono naga o Dautika. De nagali o Hurama ai nyawa abe yososawaro ihigoko o tau wahidingoto unangika. Abe naga utu yososawaro yopelaka o gota, de utuoli yososawaro yokarajaanga de o papaawa o hakaruoka. De wohidingotoo o semara ma gota ma ago-agomo de ma gogurutiye abe atolangoka. Ho ona mata-mata abe wahidingoto o Dautika ona yomahikarajaanga moi la ihigoko o Dautu ai tau moi duru ma rorahai.
1 Kokoano 5:10 - Ma Jou ai Demo-demo o Totobelohoka10 De hokogea manga hiaturu ma demo ho o Hurama wohidingoto o semara de o sendana ma gota ma ngoe abe imakiniiki de o Saloomo ai gogahoko. အခန်းကိုကြည့်ပါ။ |
1 Kokoano 5:10
7 ပူးပေါင်းရင်းမြစ်များ
Ma dihiraino abe ma oraha o Dautu ka wowangohi de wodadi o koano de una de o Tirusu manga koano o Hurama ona yahinooto ka ihikaika yomaketedodiawo. Ho ipahaino ma oraha o Hurama gea woihene abe o Dautu ai ngofaka o Saloomo wituruuruoka de wodadi o Isiraele manga koano ma hungi de una wosanangi. De gea o Hurama wahidingoto ai nyawa yamuruono naga la yadofanga ai demo o Saloomoika abe to una ai hininga ma rahai de ai horomati ma demo wohidingoto o Isiraele manga koanoika.
De o Saloomo unangoli o tao-taongiye wohidingoto o inomo kohaamoko o Huramika la ka idadi una de ai nyawa ai tauoka yaolomo. Abe o taongo amomoiino wohidingoto manga gandumu ma duduga o juta iata ma ngoe de manga minya o saitunu ma hofokino abe duru iree-reeika, gea o litere o sana o ratuhu iata de monaoko wahidingoto onangika.
Abe ngohi ahao tahidingoto o Libanono ma tonakika ahi nyawa abe yososawaro yotobatolanga o gota, de gea ma gota minidolanga ipaha de ahao mihihupu dai o gahioko. De ahao genangoka mihigetefata de mitotaka la ipuda-puda o gahioka ka hiadono ma ngi o kiaka dika abe ngini nitemo. De ahao nia gota gea mihifarene ma ngigoriye de miahohe mata-mataika la ka idadi ngini niao nia karajaanga ma ngiika. De gea mia gogahoko moi dika ngonaika, abe mimagahoko la nohidingoto o inomo ngomino la idadi ngohi de ahi nyawa mata-mata ahi tauoka mia inomo.”
“De o koano, nako nosanangi de ahi gogahoko ma duduhunu de o semara ma gota abe iwango to ngona ani tonakoka o Libanono de igoungu ngohi toperelu o gota utuohi iwoe abe o semara, o gofiri, de o sendana ma gota. Ngohi tahioriki abe naga to ngona ani nyawa abe ka onangohi yososawaro o gota yotolanga de ihihupu o loku-lokuino. De to ngohi ahi nyawa, abe onangoo yotobatolanga o gota, ona tahidingoto ngonaika la ka idadi yomakuduhunu de to ngona ani nyawa to ngona ani tonakoka.
ကြော်ငြာတွေ