1 Kokoano 3:8 - Ma Jou ai Demo-demo o Totobelohoka

⁸ De ngohi tonileleani Ngonaika abe todadi ani nyawa abe duru de manga ijaka ani himangoka to ona manga koano, masara ona gea duru ko manga ngoe hiadono ko takunua taetongo ona mata-mataika.

1 Kokoano 3:8 ပူးပေါင်းရင်းမြစ်များ

Dodadi 13:16

De to ngona ani totoforauku tahidadi la yolape-lapeuku hiadono duru ko manga ngoe-ngoeuku. Abe hiadono ona hoka o tonaka ma kafo manga ngoe, ho ko moiua yapoa yaetongo ani totoforauku manga ngoe.

Dodadi 15:5

Hokogea wihingahu o Abaraamika ipaha de ahao Ma Jou wihihupu ma hoanika de gea duru o futuoka. De ahao wihidumutu o Abaraamika wato, “Abaraama, abeika nomalega daku o dihangiye, o murumu gea kohangoe e? Sarakia, ngona ka napoa naetongo? De ahao to ngona ani totoforaukuoo hokogenangoli manga ngoe.” Hokogea Ma Jou wihibehehongo o Abaraamika.

Dodadi 22:17

Ho naa tonihiowa ngonaika de ma gou-goungu abe ani totoforauku tahidadi yowoe-woeuku hiadono ona hoka o murumu o dihangoka manga ngoe, de hoka o dowongi imui-muiuku duru kohangoe o gahi ma ngigoroka, hokogenangoo manga ngoe to ngona ani totoforauku. De ona ahao yaparangi manga musuika hiadono yahikala de yaturuuru manga kota-kotaka. Hokogea taduhunu hiadono to ngona ani totoforaukuoli yogogere manga musu manga kota-kotaka.

1 Kokoano 4:20

De ma oraha gea de o Yehuda ma nyawa de o Isiraele ma nyawa ona mata-mata duru yodogo-dogo manga ngoe hiadono ko yapoaua yaetongo. Abe manga ngoe gea yomaketero hoka o dowongi ma mui ma ngoe o gahi ma ngigorino. De ngaro manga inomo de manga ngokere masara gea duru yakokiwedono ho manga wowangoka de yososanangi dika.

1 Samuele 12:22

Ma Jou o Yawe winihibehehongoka ngini o Isiraele ma nyawa winihidadioka to Una ai nyawa de ai gogao nginika gea duru ko idadiua itoaka. Ho ngaro ma oraha nenanga eko ngaro ma oraha nanga himangika abe ko iboauahi masara duru ko iwa ma oraha abe Una wininoaika. De angamoi nako hoka Una wininoaika gea wohirusaka o nyawa manga horomati to Una ai romangika abe ka to Una ai romangohi ihikurutiye. De ufa niawohanga Una womangiriki o Isiraele ma nyawa la yodadi to Una ai nyawa abe duru womadingakoka.”