1 Kokoano 3:6 - Ma Jou ai Demo-demo o Totobelohoka

^6-7 De ahao o Saloomo wipaluhu wato, “Marai ma dihiraino de ahi baba o Dautu ka ihikaika wonileleani Ngonaika abe naga ai hingounu de ai hininga ma rorahai ani himangoka. De mangale ma titi ai hininga gea hiadono Ngona ahi Jou o Yawe duru nihiowa unangika ho ma utumu ma ngoe wamake. De hiadono o wange naa masara ka nihiowahi de ani dora angamoi nohikaaturu la ngohi to una ai ngofaka ka idadi tituruuru de todadi o koano. Masara ngohi naa hatoli ka o goohi abe ma titi ahi sosawaro ka ikurangohi.

1 Kokoano 3:6 ပူးပေါင်းရင်းမြစ်များ

Dodadi 24:40

“De una wopaluhu wato, ‘Ngone howango Ma Jou o Yawe ai himangoka de Una ahao wihidingoto ai malaekata moi la wonihihira-hira ma oraha noiki de woniduhunu hiadono o Isaka ngoi fekata nomimakeoka. De muna gea ahao nomimake to ngohi ahi dutuoka abe duru ahi baba ai tau ma goronaka.

2 Samuele 22:21

“Ma Jou womalega-lega ngohino de wamake ahi datoro ma totiai, ho Una wohihiowa de ahi utumu ma rorahai.

2 Samuele 22:25

De naa Una womalega ngohino de wohimake ngohi totebini ai himangoka, ho Ma Jou o Yawe wohihiowa de ahi utumu duru ma rorahai.”

2 Samuele 7:5

“Ngona kiani noikoli ahi gilaongo o Dautika de hokonaa ahi hingahu abe kiani nadofanga unangika, nato, ‘Hokonaa Ngohi Ma Jou o Yawe ahi hingahu ngonaika. Marai ngona Dautu nato nodiai o tau moi abe utuohi irahai la ka idadi Ngohi togogere genangoka e?

1 Kokoano 1:48

Abe una wato, ‘Duru itiai ngone mata-mata hihigiriiri ngone o Isiraele ma nyawa nanga Jou o Yawe. Angamoi o wange naa wohihigunoa ngohi la ka idadi timake ahi ngofaka wodadi ahi duruuru de wogogere ahi kaderauku.’” Hokogea o Yonatana ai hingahu ma demo abe wihingahu o Adoniaika.

1 Kokoano 15:5

De hokogea Ma Jou wohiaturu angamoi o Dautu ai wowangoka wodiai abe duru wihisanangi Ma Jou o Yawe de una wotobahingounu Ma Jou o Yawe ai behehongika ka hiadono ai wowango ma bahaika. Masara naga moi o Dautu wodiai abe duru ko wihisanangiua Ma Jouika de gea ma titi ai howono o Uriaika, o Hete ma nyawa gea.

1 Kokoano 2:4

De gea ka ngonaua dika abe namake ma owa genangino. Angamoi ma dihiraino Ma Jou o Yawe wohihibehehongo wato, ‘Nako ani ngofa-ngofakuku ona ihitobaniiki Ngohi de manga hininga ma gahumu de naga manga hingounu ka ihikaika ahi demoino, gea de ahao ka ihikaika naga womatengo ani totoforaukuino wodadi ani duruuru abe una wahikoano o Isiraele ma nyawaika.’ Hokogea Ma Jou ai behehongo ngohino ma dihira, de ngohi naa duru toigo la ai demo gea idadi. Ho gea hiadono ngohi tato kiani ngona duru ka ihikaika naniiki itiai to Una ai Demo-demo.”

1 Kokoano 3:14

De naa Ngohi tonihibehehongo ngonaika tato nako nohinii-niiki to Ngohi ahi hininga de ahi demo-demo abe imaketero hoka ani baba o Dautu unangoli wohiniiki, gea ahao tonihidoaka la ani wowango ikurutu o duniaka naa.”

1 Kokoano 9:4

De naa tonihibehehongo ngonaika tato ngona kiani ka ihikaika nohileleani Ngohino de ani hininga ma gahumu abe imaketero hoka ani baba o Dautu wohileleani. Abe to Ngohi ahi pareta de ahi huhuloko ma demo mata-mata kiani naga ani hingounu ma demoika gea la ka ihikaika natobaniiki enangika.

2 Tawari 1:8

De o Saloomo wopaluhu Ma Jouika, wato, “Ngona Ma Jou nihimatoko ahi baba o Dautika ani dora kohaamoko abe ko itoa-toakua. De naa Ngona nohihidadi to una ai duruuru abe ngohi nohiirikoka la ani nyawa tahikoano.

Gegetongo 12:7

Masara hokogenangua nako Ngohi de ahi duduhunu ka o Musahi abe ai tagongo wao itiai hiadono tihitagongo de ahi nyawa mata-mataika.

2 Korintusu 9:11

De Ma Jou ahao Una winihidogo nginika la ahao nginioli ka idadi niahikokodoku to Una ai hidailako o nyawa yowoe-woeika. Abe ti ngini nia dora ma hidoaka ngomi ahao mitotaka o nyawaika de ona gea ka de yamake de duru yotarimakase Ma Jouika.

2 Korintusu 9:5

Ho ngohi tato koaho irahai ona yaruange tatihira tahidingoto nginika la inihigaro ka hiadono niabooto nia hiaturu ma titi nia dora ma hidoaka gea abe ma dihirainohi de niahibehehongoka niato ahao nidiai. Abe nako hoka ngini ko nitoomuahi de gea ngohi toboaka nginika de ahao niatoomu nia hidoaka, de gea ahao marai utu yataoko ihowono done ato ngohi tiniribuutu la nihidoaka. De ngohi toigo la nia dora ma hidoaka gea idadi nia hininga ma rorahaiino abe iboa ko o ribuutuinoua.