1 Kokoano 3:4 - Ma Jou ai Demo-demo o Totobelohoka

⁴ De nako o huhuba ma ngi o loku-lokuoka mata-mata masara naga moi abe ka enangohi ikokurutiye o nyawa manga hiningaka, de gea o Gibeono ma kotaka. Ho o wange moiuku de ma koano o Saloomo woiki o Gibeonika de wodoaiye ma huhuba ma ngiiye gea la womahuba genangoka. De una wao o aewani o dutu o sana moi de gea womahihuba iharo-harongo Ma Jou o Yaweika genangoka.

1 Kokoano 3:4 ပူးပေါင်းရင်းမြစ်များ

1 Kokoano 9:2

De gea mata-mata wodiai ibooto de ahao Ma Jou womahimatoko ma moioli unangika, abe imaketero hoka ma dihiraino womahimatoko o Saloomoika o Gibeono ma kotaka.

2 Tawari 1:2

Ka de uku de o Saloomo wahokino o Isiraele ma nyawa manga hidimono mata-mata. Ho gea o tentara ma hohidimono abe yahipareta manga doomuino yasana amomoi de nagali abe yahipareta manga doomuino yaratuhu amomoi, de ona manga hohidimono mata-mata yokokiboaino. De ona abe manga karajaanga o Isiraele ma nyawa yatobauru-urusu abe manga howono yatailako, onangoo yokokiboaino manga koano o Saloomoino. De ona abe yahibaluhu o Isiraele ma nyawa manga dutu homoi-homoiika ka hiadono abe yahibaluhu manga fam ma doomu homoi-homoiika, onangoo yokokiboaino. Ho duru yongodumu o Isiraele ma nyawa manga hohidimono genangoka.

2 Tawari 1:3

De ona mata-mata abe o Saloomo watoomuino de ahao ona wao o Gibeono ma lokuika abe genangoka naga Ma Jou ai Tau o Ngoerino. De Ma Jou ai Tau o Ngoerino naa ena abe ma dihira o Musa wodiai o tonaka ma kakaahaka.

2 Tawari 7:5

De o Saloomo wahihuba to una ai hapi ma ngoe hiadono o sana monaoko de hinooto, de to unangoo ai domba wahihuba ma ngoe hiadono o sana o ratuhu moi de monaoko. De ona yahihuba hokogea la Ma Jou ai Tau gea ihitunguu abe ena iwidingakoka Ma Jou o Yaweika.

Yesaya 40:16

De igoungu o Libanono ma fongana duru aomanga de o gota ma ago-agomo de o aewani ma ngoe. Masara ngaro o nyawa yakokitolanga ma gota mata-mataika de yatoma to ena ma aewani la ato yomahihuba Unangika, masara gea tanu ko adonikaua angamoi nanga Jou kiani o horomati duru kohaamoko hohidoaka Unangika.

Yosua 10:2

De ma abari gea ma koano de ai kokawaaha yoihene ipaha de gea hiadono duru yokokihawanoka. Angamoi nako o Gibeono ma kota gea duru ko ietekua. Abe gea ma amoko ka imakadaene dika de o kota-kota utu ma ago-agomo abe naga de manga koano homoi-homoi. De ngaro ihidotelega de o Ai ma kota masara ka o Gibeonohi ilamoko. De hongoli o Gibeono ma nau-nauru ona duru yojago de yososawaro yoparangi.

Yosua 9:3

Masara nako o Hewi ma nyawa abe yogogere o Gibeono ma kotaka, ona manga hidee imakohowono. Abe ona ma oraha yoihene ma titi o Yosua de ai nyawa yahikalaka o Yeriko de o Ai ma nyawaika

1 Samuele 13:9

Ho wahuloko onangika abe yagoana manga aewani abe ena gea o Samuele ahao wahihuba, wato, “Marai o Samuele ko woboauau ho niaoino nanga huhuba iharo-harongo ma aewani de nanga hikadame ma huhuba la gea ngohi dika tonahihuba.” Hokogea wotemo de hokogea o Saulu wodiai.