1 Kokoano 3:15 - Ma Jou ai Demo-demo o Totobelohoka

¹⁵ De gea Ma Jou o Yawe wotemo ibooto de ahao o Saloomo womamaoino de wohioriki abe Ma Jou witemo unangika ai buluhara ma goronaka. Ho una wolio o Yerusaleeme ma kotaiye de wale o huhuba ma ngoe. De ma huhuba gea wao Ma Jou ai Petika de gea ma himangoka womaokoino de womahihuba ai huhuba gea. Abe utu ma huhuba iharo-harongo de utuoli ai dame ma huhuba. De gea ipaha de ahao una wahokino ai nyawa mata-mata abe iwileleani unangika de wodiadi o ngolo-ngolomo ma amoko la ona mata-mata yomakutuono yolomo.

1 Kokoano 3:15 ပူးပေါင်းရင်းမြစ်များ

Dodadi 28:16

De ahao o Yakubu womomikino de womatemo wato, “Igoungu, Ma Jou o Yawe naga nenangoka de ngohi kangano ko tohiorikua.”

Dodadi 31:54

Hokogea yomahiketehibehehongoka ibooto de ahao o Yakubu ai huhuba womahihuba Ma Jouika o lokuoka gea de ahao manga nyawa mata-mata wakokiahokino wato, “Naa kiani ngone mata-mata holomo horame-rame.” Ho ona yolomo yorame-rame de o futu gea yomaidu o loku-lokuoka gea.

Dodadi 40:20

De idadi duru imaketero hoka o Yusupu wahingahuoka abe o wange hange ipaha de adonoka ma hohininga ma wange gea abe o Firaunu womaboa de wato ai wange gea wohirame-rame. Ho o inomo duru iwoe yodiai de ahao ona abe yokarajaanga ai tauoka de ona yokokurutiye mata-mataika abe iwiduhunu manga kokawaaha yahipareta, ona gea wakokiahokino la yolomo yorame-rame. De wahuloko ai gogoanika la yahinooto abe yahibaluhu ona iwileleani to una ai akere de ai inomo, onangoo kiani naga ai rame-rameoka ho o bui ma tauoka yale.

Dodadi 41:7

De bari ma pine abe ko iwa ma bunuhu ena gea alahiri o pine de ma bunu-bunuhoka. Ho ka de gea idadi de o Firaunu womatodokanokali de ahao wohioriki gea abe wamake ka o buluharino dika.

1 Kokoano 3:16

De ipaha o wange moiuku de naga o ngofeka yahinooto abe manga badanga yomatobafukunu de ona yokadatoro ma titi manga ngofaka. Ho ona gea yoboa ma koano o Saloomo ai himangino la ato una wotoihene manga demoino de ahao waputuhu onagona manga demo itaana.

2 Tawari 7:5

De o Saloomo wahihuba to una ai hapi ma ngoe hiadono o sana monaoko de hinooto, de to unangoo ai domba wahihuba ma ngoe hiadono o sana o ratuhu moi de monaoko. De ona yahihuba hokogea la Ma Jou ai Tau gea ihitunguu abe ena iwidingakoka Ma Jou o Yaweika.

Gegetongo 12:6

De ahao Ma Jou o Yawe wotemoli onangika de ai buturungu, wato, “De naa ngini inihinooto duru nitotoihene ahi demoika! Abe ma oraha naga to Ngohi ahi nyawa nia hidogoronaka abe ona tahidadi ahi uru ma dodofanga, masara Ngohi, Ma Jou o Yawe tatemo onangika de o buluhara de o himatoko.

Maruku 6:21

Masara ika-ika de naga ami oraha o ngo Herodiasa abe ami hidee ma ngekomo mamakeoka. Abe ma wange gea o Herodese Antipasa ai tauoka o ngolo-ngolomo naga angamoi ihirame-rame abe ai ngumuru o taongo gea ka wadaenohi. De o nyawa abe yokokurutiye o Galilea ma tonakoka ona manga ngoe yaniiki ai rame-rameoka gea. Abe ona yokokurutiye, naga utu abe yahipareta manga kokawaahaika, de naga utu o tentara ma nyawa manga hohidimono.