1 Kokoano 22:49 - Ma Jou ai Demo-demo o Totobelohoka

⁴⁹ De ma oraha o Yosafata wohikoano de una wahuloko ai nyawa la yodiai o kapa ma ago-agomo ma ngoeika. Abe ma koano ai hininga la to una ai nyawa ka idadi yotagi-tagi yohidete o gahioka hiadono o Ofiri ma tonakika de genangoka yamake o gurasi de gea yao unangino. Masara ngaro yodiai ibooto ai kapa gea ma ko yomahiadonikaua o Ofiri ma tonakika angamoi o Esiono Geberokahi de ma kapa gea ikokirusakoka.

1 Kokoano 22:49 ပူးပေါင်းရင်းမြစ်များ

1 Kokoano 10:22

De o Saloomo naga ai kapa yahidete o duduono moi abe homoi-homoiika naga o nau-nauru yatobaao de ai kapa gea imakokiniiki de o Huramoli ai kapa o duduono moi. De ona yohidete ihidulu-dulu moduku o nuu-nuuhika la yomaketeturuuru o kiahonanga, de o taongo hange ma moi yolio o Isiraele ma tonakino. De manga kiahonanga ihibare-barene ma hali-hali dika, abe o gurasi, o haaka, o gaja ma hihipata, o mia ma amoko abe yotobapaliara, de o totaleo duru ma rorahai abe ona yokaya-kaya dika yotobapaliara abe ma ija kohahali, de ena gea mata-mata idadi o Saloomo ai kiahonanga.

1 Kokoano 22:48

De ma oraha gea doka o Edomo ma tonakoka de ko iwa manga koano, masara naga womatengo abe iwiahoko manga gubernuuru abe wahipareta onangoka.

1 Kokoano 22:50

De ipahaino de o Isiraele manga koano o Ahasia una wihigaro o Yosafatika wato, “Marai irahai nako to ngohi ahi nyawa utu tahidingoto ngonaika la ona de to ngonali ani nyawa ka idadi yomakuduhunu yohidete o kapa done o kangela yaohana.” Masara o Ahasia ai demo gea ko wodosanangiua enangika ho ma duduhunu gea o Yosafata ka waoluku dika.

1 Kokoano 9:26

De nagahi o Saloomo ai karajaanga moioli abe wodiai ma oraha gea. Abe una wahikarajaanga ai nyawa la o kapa ma ngoe yodiai o Esion Gebere ma kotaka. De ma kota gea imanoa o Edomo ma tonakoka o Bongo-bongo ma gahi ma ngigorino, de ma ngi gea hatoli imakitigino de o Eloto ma kapongo.

1 Kokoano 9:27

De ma kapa gea yodiai ibooto de ahao ma koano o Hurama una wahidingoto ai nyawa manga ngoe genangika angamoi ona yososawaro yololiti de yahikaaturu o karajaanga mata-mata o kapaka. Ho to una ai nyawa yatobaduhunu o Saloomo ai nyawa la ka idadi yohidete manga kapa gea.

1 Kokoano 9:28

De ahao ona yohidete o Ofiri ma tonakika la ka idadi yamake o gurasi genangoka. De igoungu o gurasi ma amoko yamake ma tonakoka gea ho yale de ihibarene ma kapaka de ahao yolio de iwiao o Saloomoika. De gea yomahiadono de iwihidoaka manga koanoika o gurasi abe ma dubuho o kilo o sana ngimoi de iata.