1 Kokoano 22:36 - Ma Jou ai Demo-demo o Totobelohoka

³⁶ Ka de o wange igila-gila itumunu de ai tentara yomulaenge yomakoboaka ato, “Holio dika, nanga koano wohonengoka ho o parangi naa ibootoka.”

1 Kokoano 22:36 ပူးပေါင်းရင်းမြစ်များ

1 Kokoano 12:16

Ho ka de o Isiraele ma nyawa gea iwihioriki manga koano ma hungi naa manga gogahoko duru woluku wohigihene de ona iwiboa-boaka de manga ngamo, ato, “Nako o Dautu de ai ngofa-ngofakuku ibootohi inahikoanohi! Ngone ko iwa nanga utumu o Isai ai ngofakino! Abeika nanga gogianongoru holio dika nanga kapo-kapongika. De nako ngini o Dautu ai tauino marai kiani nimahidodiai ona nia tauoka niagoana!” Ho o Isiraele ma nyawa genangoka yokokilio manga tau homoi-homoiika.

1 Kokoano 12:24

De hokonaa ahi hingahu ma demo abe ngona kiani nadofanga onangika, ‘Ngohi Ma Jou o Yawe de Ngohi tinihuloko nginika, duru ko idadiua niaparangi nia gogianongoruika abe o Isiraele ma nyawaika. Ngini kiani nikokilio homoi-homoi nia tauika angamoi abe naa ma duru idadioka abe o Yerobeama nia gogianongoru manga ngoe wahikoano gea ma titi Ngohioka de aino. Abe idadioka gea imakiniiki duru imaketero de to Ngohi ti ngini nia Jou ahi hiaturu ho gea ma titi hiadono ko idadiua niaparangi nia gogianongoruika.’” Ho ka de o Semaya wahingahu Ma Jou o Yawe ai demo onangika hokogea de ona iwihingounu. Ona yokokilio abe duru imaketero hoka Ma Jou o Yawe wahibehehongoka onangika.

1 Kokoano 22:17

De gea o Mika waniiki ma koano ai huhuloko ma demo, ho ipaha de wihingahu ma gou-goungu ma koanoika. Abe una wato, “Hokonaa abe Ma Jou wohihimatoko ngohino. Ngohi tamake o Isiraele ma nyawa mata-mata yomahikabarihoka o loku-lokuoka abe hoka o domba ma ngoe de ko iwa ma gogoana. De ahao Ma Jou o Yawe wotemo wato, ‘To ena ma baluhu ko iwiwa, ho koaho ikokilio dika la ko kia-kiaua idadi enangika.’”

1 Kokoano 22:31

De doka o Arama ma koano, abe ma oraha onangoo yomahidiai yoparangi, una wahingahu ona yotobaao-ao o parangi ma goroba, wato, “Ngini inimoruange de inihinooto masara nia dumutu ka womatengoika dika de una o Ahaba abe o Isiraele manga koano kiani niwihohonenge.”

1 Kokoano 22:35

Masara o Isiraele ma nyawa de o Arama ma nyawa duru yomaketeparangi de manga buturungu o ngorumino ka hiadono o bobimaowaka de o Ahaba ai goroba ko yomadaenua yohupu yoara. Masara o Ahaba iwitagaiye hiadono ko worubaua ai goroba ma goronauku de ai awunu iuihi ai goroba ma dodokouku. De o wange ngade-ngade adono itumunu de o Ahaba wohonenge.

1 Kokoano 22:37

Ho manga koano wohonengoka ho ai honenge yao o Samaria ma kotaika de iwilungunu genangoka.

1 Samuele 4:10

Hokogea o Filistina ma nyawa manga tentara yomahiketehiputurungu ho ma oraha yaparangi o Isiraele ma nyawaika de yahikalali. De naga o hibinaaha kohaamoko abe o Isiraele manga tentara yasana moruange yokokihonenge o wange gea. De manga hou duru de manga hawana yoara yolio manga dodogumika abe genangoka manga tau o ngoerino ma ngoe.