1 Kokoano 22:27 - Ma Jou ai Demo-demo o Totobelohoka

²⁷ De kiani niadofanga ahi huhuloko ma demo naa, niato, ‘Una naa niwihingohama o bui ma tau ma goronaika, de niwihidoaka ka o roti de o akere dika. Ka gea dika ai inomo niwihidoaka ka hiadono ngohi tolioino abe o parangioka de taino ahi tauino.’ Hokogea niahuloko onangika.”

1 Kokoano 22:27 ပူးပေါင်းရင်းမြစ်များ

1 Kokoano 13:4

De naa o Yerobeama woihene Ma Jou ai uru ma dodofanga ai boaka ma demo abe wohidumutu o huhuba iharo-harongo ma ngiika abe naga o Beteloka. De ka de o Yerobeama woihene ai demo gea de una wingamo o uru ma dodofangika. De ma oraha gea o Yerobeama una ma gogiriaka wokarajaanga de wodiai o huhuba ho ai giama watodokanino wagoraka ai huhubaino de witumutu Ma Jou ai uru ma dodofangika gea. Hokogea ai giama wagoraka de wopoaka ai duduhunika de ai huhuloko onangika wato, “Niwitaokoka o nyawa gea!” Masara ka de o Yerobeama wopoaka hokogea de ai giama abe witumutika ena gea idadioka ihelukoka angamoi itirihoka dika hiadono ko idadiokaua ai giama wapuka.

1 Kokoano 22:26

De ahao ma koano o Ahaba wahuloko ai nyawa la iwitaoko dika o Mika gea. Una wato, “Niwiaoika de niwihidoaka o kota ma gubernuuru o Amonika de ahi ngofaka o Yoasika.

Higiriiri 127:2

De naa moioli abe ka parahaja dika, nako o nyawa duru yokarajaangaholi la ato yomahidailako manga perelu. Abe nako duru yongorumu yosobo la yokarajaanga ka hiadono yahidufutuku, gea ko ma titiua abe manga karajaanga kiani naga de ma hasiloka. Angamoi Una gea ka idadi wonahidailako ngaro homasikaa de ngaro homaiduoka, iti to Una ai hininga ma dora duru itagi ngoneino.

Yeremia 20:2

Ho o Pasuru gea wohiaturu la kiani o Yeremia iwitaoko de iwipoha-poha de ahao o Yeremia ai lou ihidopilatuku de o gota Ma Jou ai Tau ma ngoranoka abe ma romanga o Benyamini ma Ngorana.

Lukasa 3:20

De ahao o Herodese wodogo-dogo wahowono, angamoi wahuloko ai nyawa la o Yohanese iwitaokino de hiadono iwibuika.

Hidingoto 26:10

De ipahaino de ngohi tamake o kuaha mia hidemo ma nyawa yokokurutiyeino la ka idadi tahikokangela onagona dika o Yerusaleemoka abe iwingaku-ngakuoka o Yesusika. De ona manga ngoe tabuika, de naga utu abe yaurusu de yaputuhu ato kiani yahohowono de o hohonenge, de ngohioo tahimoteke de manga hininga abe tato kiani ona gea yahohonenge dika onangika.

Hidingoto 5:18

Ho o hidingoto ma nyawa yataokino de yahingohama o bui ma tauika.

Efesusu 3:1

Ho mangale ma titi abe ngini nidadioka to Ma Jou ai nyawa ho gea ngohi o Paulusu ka ihikaika tininiata ngini genangoka. De naa ngohi ihibuioka ma titi o Yesusu Kristusu tileleani abe o Abari ma Rorahai tinihingahu-ngahu abe ngini ko o Yahudi ma nyawaikaua.

Ibarani 11:36

De naga utuoli abe yahohedu onangika de yapoha-poha de o boboha abe o migino yodiai. De utuoli yahidapakitika de o rante de ahao yabuika o bui ma tau ma goronaka.

Himatoko 2:10

De naa Ngohi tinihigaro tato ufa ko nihawana ma titi ma kangela abe ko itedekanokaua de kiani gea niaohana. Angamoi naa tinihingahu dika abe o Ibilihi ena gea ahao ngini utu inihidubuika la ato initaili nia ngongakuoka, de o bui ma goronaka gea inihikangela o wange ngimoiino ma dekana. De gea ngaro naga o hidee la ato inihohonenge, ma kiani ngini nimatongohono nia ngongakuoka de ufa nirehene genangino, la ahao Ngohi tohibalaha nginika de o lalaku ma hadia abe o wowango ma ngangoino tinihidoaka.”