De Ma Jou ai uru ma dodofanga gea wihingahu o Ahabika, wato, “Hokonaa Ma Jou o Yawe ai demo ngonaika, ‘Ahi hiketero ma ade-ade kanganoika ma titi gea abe ngona ahao inidaene. Ngona o koano ko nohihingounua ahi demoika abe o nauru gea, abe kanganoika nimakoketemo, una gea ka nihigunoa la ka wowangohi. De hokogea ngona ani hininga nodiai ngaro Ngohi tato kiani nihibinaaha, ho mangale ma titi ngona ko nohihigihenua hokogea ho nihiluasoka dika ho ngona ma hirete nituruuru la ngona nohonenge. De to ngona ani kokawaaha ahao ona yohonenge de to una ai kokawaaha ko yohonengua.’” Hokogea Ma Jou ai hohowono ma demo o Ahabika.
1 Kokoano 22:23 - Ma Jou ai Demo-demo o Totobelohoka23 De o Mika ka wotemohi wato, “Hokogea abe Ma Jou wohihimatoko ngohino. De naa igoungu itararonoka abe Ma Jou o Yawe wohiaturu la to ngona ani uru ma dodofanga mata-mata yokokieluku ngonaika. Angamoi Ma Jou o Yawe waputuhoka wato to ngona ani wowango ma baha itigioka.” အခန်းကိုကြည့်ပါ။ |
1 Kokoano 22:23
19 ပူးပေါင်းရင်းမြစ်များ
De hokonaa ngona kiani nadofanga ahi hingahu o Ahabika, nato, ‘Ma Jou o Yawe naga ai hingahu ngonaika wato, “Sarakia ngona, o Naboto gea nitomaka de ko iniwedonua hiadono ngona noigo ai tonakoo niora? De angamoi igoungu hokogea ngona nodiai, ho ngonaoo ahao nohonenge o kota ma dadaduhu ma poretoka de hokogea ahao idadi imaketero abe hoka o kaho ma ngoe iboa o Naboto ai awunu yaale-aleme, hokogea to ngonaoo ahao ani awunu de o kaho iboa de yaale-aleme.”’” Hokogea Ma Jou ai hingahu abe kiani o Elia wadofanga o Ahabika.
De Ma Jou o Yawe wihihohininga wato, “Musa, ka de nomahiadonika o Mesiiroka de o heheranga mata-mata abe Ngohi tonihiakunoka la ngona nodiai gea ahao nodiai o Firaunu ai himangoka. Masara una ko wonihigihenua angamoi to una ai hininga ahao tohitogowini hiadono ngaro o heheranga gea una wamakeoka ma, o Isiraele ma nyawa ko wahigunoauahi yoiki yomatingaka o Mesiiri ma tonakino.
De ahao Ma Jou wohitemoli ngohino de wohihidoaka ai hingahu ma demo abe wohidumutu ahi gogianongoruika. Abe Una woigo la ai demo gea ngohi ahao tadofanga onangika abe yogogere o Yerusaleeme ma kotaka de o Yudea ma tonaka mata-mataika. De hokonaa to Una ai demo. “Ngohi Ma Jou o Yawe tomahidiaioka la tinihipoha de o hohowono ma amoko nginika, hiadono ngini niamao o binaaha inidaenoka. Ho mangale ma titi gea ho to Ngohi ahi hininga tato ngini homoi-homoi koaho nioporete dika ti ngini nia datoro ma dorou de nianiikoli ka o datoro ma rorahai nia kokiwowangoka.”
‘Ngaro o Balaka wohihidoaka to una ai koano ma tau abe waomangoka de o haaka de o gurasi ma hali-hali, masara ngohi ko idadiua todiai o kia dika abe ihititi to ngohi ahi hiningaka de aino. Ho ngaro ma owa todiai eko ma dorou, masara ko idadiua tatilakuru Ma Jou o Yawe ai behehongo ngohino. Nako ngohi naa kiani gea abe Ma Jou o Yawe wotemoka, gea ena abe ngohi totemo.’ Sarakia, hokogea ahi demo ma dihira eko koua?”
“Masara gea manga koano ka woluku dika wonahigunoa la hatilakuru manga tonaka, de idadi hokogea angamoi nia Jou Una wokarajaanga manga koano ai hiningaka la idadi itogowini hiadono woluku nanga gogahoko gea. De hokogea Una wodiai la ngini de ona ka idadi nimaketeparangi de Una ka winiduhunu hiadono niahikala onangika. De gea duru igoungu abe ma oraha gea ngini niahikala ona gea.
ကြော်ငြာတွေ