1 Kokoano 22:21 - Ma Jou ai Demo-demo o Totobelohoka

²¹ De ahao naga o womaha womatengo onangino abe woaguru ho womaokoino Ma Jou o Yawe ai himangoka. De una wotemo wato, ‘Ngohi ahao ka idadi o Ahaba ai buku tale-leloro.’ De Ma Jou o Yawe wileha unangika wato, ‘Ho ani hidee nieluku sarakia?’

1 Kokoano 22:21 ပူးပေါင်းရင်းမြစ်များ

1 Kokoano 22:20

De Ma Jou o Yawe wotemo wato, ‘Onagona ahao ka idadi o Ahaba ai buku ale-leloro hiadono una waparangi o Ramoto-Gileada ma kotaika la ka idadi wohonenge genangoka?’ De naga utu manga doomuino abe manga demo hokonaa de hokonaa.

1 Kokoano 22:22

Una wipaluhu wato, ‘Ngohi toiki de tohiaturu la o Ahaba ai uru ma dodofanga mata-mata ka yoelu-eluku dika.’ De gea Ma Jou o Yawe wohimoteke ho wato, ‘Noiki de ai buku nale-leloro dika, de ipaha ahao ani hidee gea de ma hasiloka.’”

1 Kokoano 22:23

De o Mika ka wotemohi wato, “Hokogea abe Ma Jou wohihimatoko ngohino. De naa igoungu itararonoka abe Ma Jou o Yawe wohiaturu la to ngona ani uru ma dodofanga mata-mata yokokieluku ngonaika. Angamoi Ma Jou o Yawe waputuhoka wato to ngona ani wowango ma baha itigioka.”

Himatoko 16:14

De ma tokata ma dorou o gahumu hange gea naga de ma kuahaka la o heheranga ma dodunguu ka yakunu yodiai. De ena gea isobo itagi o dunia ma amokika la ato yahigaro o kokoano mata-mataika de hiadono yatoomuino o parangi ma ngioka la ahao ka idadi yomakokuduhunu iwikokilawana Ma Jouika. Angamoi ahao naga ma wange adonoka de ahao Ma Jou abe ka to Unangohi ai kuaha duru kohaamoko, Una ahao ai hohowono wahipoha onanguku abe ka iwilawa-lawanohi. De to Una ai Hohowono ma wange gea de ahao yomarihimanga de Ma Jou ona mata-mata abe yomatoomuinoka la yomakokuduhunu iwiparangi Unangika.