Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kokoano 22:15 - Ma Jou ai Demo-demo o Totobelohoka

15 De ipaha ma oraha woboaino de yomarihimanga de ma koano de ma koano wileha unangika wato, “Mika, sarakia, koaho irahai hoiki haparangi o Ramoto-Gileada ma kotaika eko ngaro ufa dika?” De o Mika wipaluhu wato, “Ka idadi niaparangi dika o Ramoto-Gileada ma kotaika angamoi ahao nilaku. Abe Ma Jou o Yawe ahao wahidoaka ona gea to ngona ani giamika, mia koano.”

အခန်းကိုကြည့်ပါ။ ကော်ပီ




1 Kokoano 22:15
11 ပူးပေါင်းရင်းမြစ်များ  

Ho adonoka o wange ikorona de ahao o Elia womulaenge wamia-mia onangika wato, “Ngini kiani nia jou ena gea niahoko niamo-amokiye bote nia jou gea ka imaiduohi! Eko bote ena gea iloiki imahupuohi, eko naga moi o Baala kiani duru imafikirohi ho ko inigihenuahi! Eko nia jou gea ma karajaanga utu naga o wange naa! Abe ngohi tato bote ngini niato o Baala gea igoungu enangoo ma jou ho ena tanu naga e?”


De ma uru ma dodofanga gea mata-mata manga demo ka moi dika, abe yahigaro ato, “Ka idadi niaparangi dika o Ramoto-Gileada ma kotaika angamoi ahao nilaku. Abe Ma Jou o Yawe ahao wahidoaka ona gea to ngona ani giamika, mia koano.”


De ma demo gea woihene de o Ahaba witaere o Mikaika wato, “Marai naa ma moioli kiani tonihitiari la duru nohibehehongo ngohino hiadono ani demo ma gou-goungu dika nohihingahu. Abe naa tonihuloko la nomahikoboto de nifetongo Ma Jou o Yawe ai romanga la genangino de ahao ka idadi tonihioriki abe ani demo ma gou-goungu dika ngohino.”


De ona iwiadono o Elisaika de o Elisa wileha o Isiraele manga koanoika wato, “Adodoa ho ngona noboa ngohino? Koaho noiki ani baba de ngoni meme manga nyawaika. Angamoi naga manga ngoe abe yahiromanga ato o uru ma dodofanga de ona yatobaleleani ani dimonika. Ho koaho noiki nomagahoko o duduhunu onangino!” Masara ma koano o Yorama wipaluhu wato, “Ko idadiua! Angamoi maraioka Ma Jou o Yawe Una gea abe womiahoko ngomi o koano imihange naa la wato womihidoaka ngomi o Moaba ma nyawa manga giamika!”


De womaniata ibooto de woliokali onangika de ona ka yakiookokali. Ho wataere onangika wato, “Mode ka nimahiainohi hiadono ka inikiookohi? Marai nia giooko ko iniwedonuahi? Abeika, Ngohi o Nyawa ma Ngofaka naa ahi gahe ma oraha adonoka, abe ihihidoakoka o howo-howono ma nyawaika.


Ho abeika ngini niloiki enangika dika abe nimangiirikoka de abe nimahijou enangika la o duduhunu nimagaho-gahoko! De ahao hamake nako ena gea iniduhunu nia kangelaka de aino!” Hokogea Ma Jou duru wahiree-reeika onangika.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ