1 Kokoano 22:11 - Ma Jou ai Demo-demo o Totobelohoka

¹¹ De ahao naga o Sedekia abe o Kenaana ai ngofaka, una manga uru ma dodofanga womatengo. De una wotutuku moi o behino abe ma rupa hoka o hapi ma tataduku. Gea wodiai ibooto de ahao wotemo wato, “Hokonaa Ma Jou o Yawe ai demo, Una wato, ‘Naa ma tataduku ahao niapake la genangino de niahipata o Arama ma nyawa gea hiadono yakokibinaahaka.’”

1 Kokoano 22:11 ပူးပေါင်းရင်းမြစ်များ

1 Kokoano 22:12

De ma uru ma dodofanga gea mata-mata manga demo ka moi dika, abe yahigaro ato, “Ka idadi niaparangi dika o Ramoto-Gileada ma kotaika angamoi ahao nilaku. Abe Ma Jou o Yawe ahao wahidoaka ona gea to ngona ani giamika, mia koano.”

1 Kokoano 22:24

De gea ahao o Sedekia womahitigi o Mikaika de ka wipoka ai himangika. De una duru witaere unangika wato, “Ho naa bote ngona nato Ma Jou o Womaha wohinoa ngohi la ka idadi wotemo ngonaikali e?”

Hidingoto 21:11

Ho gea womitutumu ngomi de ahao o Agabusu waleino o Paulusu ai bulu de gea ena wapake la womahidapakiti ai louuku de ai giamino. De o Agabusu womahidapakitoka de ahao womihingahu ngomino abe hokokia ahao idadi o Paulusika. Ho una wato, “Hokonaa Ma Jou o Womaha ai demo nginika, abe Una wato, ‘O bulu naa ma dutu, una ahao o Yahudi ma nyawa manga hihira o Yerusaleemoka iwihidapakiti unangika. De ona gea iwihidapakiti duru imaketero abe hoka ngohioli naa tomahidapakitoka. De ahao una iwihidoaka o Roma ma poparetaika.’”

Higalioli 33:17

De ai totoforauku gea to ona manga kuaha duru ma hohailoa, de nagali abe ona duru de manga bobuturungoka. De mangale ma titi manga buturungu gea hiadono duru yolaku-laku, abe ngaro o homoa ma nyawa mata-mata ma ona ka idadi yahikala manga musuika gea. De hokogea ahi hiowa ma demo o Efaraimi de o Manase ma nyawaika, abe o Manase manga ngoe ona duru yosana, masara nako de o Efaraimi ma nyawa ka onangohi duru yowoeholi.”

2 Timotiusu 3:8

De ona gea abe o rerehene ma dodotoko yatobadotoko o nyawaika, ona gea manga hininga itagi ka ma dorouika dika. De ona gea Ma Jou waolukoka angamoi manga ngongaku ma dumutu gea ko Unangikaua. De ona gea duru yalawana nanga dodotoko ma gou-goungika abe imaketero hoka ma dodihiraka abe ma oraha Ma Jou ai uru ma dodofanga o Musa. Abe naga ma oraha gea ona yahinooto o Yanese de o Yamberese, de ona gea iwilawana o Musaika.