1 Kokoano 21:8 - Ma Jou ai Demo-demo o Totobelohoka

⁸ De to muna ami hidee naga ho ihira o hurata muruono naga motulihi de mapake ami rokata ai romanga de ahao mohitataulika de o lilingi de ahao ma guihi gea mohitunguu de o koano ai kuaha ma dodunguu de o hurata gea mohidingoto o Naboto ai kota ma hohidimonika de o kokawaaha manga hihira utuika.

1 Kokoano 21:8 ပူးပေါင်းရင်းမြစ်များ

1 Kokoano 20:7

De ahao o Ahaba wabehehongo o Isiraele ma nyawa manga hihira mata-mataika la yomataiti yokokiboa yomatoomuino unangoka. Ho ona gea yoboaka de waade-ade onangika ma titi o Bene-Hadada ai hingahu unangika, wato, “Abeika, hokokia o Bene-Hadada gea woigo la ngone wonahikangelaholi! To una ai ribuutu ma gogahoko ihira ngohi tohimoteke abe ngaro ai gogahoko gea kiani tihidoaka dika ngohi feka-fekata, de ahi ngofa-ngofaka, de ahi haaka de ahi gurasi unangika. Masara naa moioli ai gogahoko ho sarakia ti ngini nia hininga?” Hokogea o Ahaba womagahoko manga hininga ma duduhunu unangino.

1 Kokoano 21:1

De o Ahaba ai koano ma tau naga moioli o Yisereele ma kotaka, de ai tau ma datekoka naga o angguru ma redi abe ma dutu o Yisereele ma nyawa ai romanga o Naboto.

1 Kokoano 21:9

De ami hurata ma titi abe o kota ma kawaaha kiani manga hihira yatoomuino, de itemo ato, “Ngohi naa nia koano tinihibehehongo la o kota ma kokawaaha niatoomuino la yomaniata de ufa yolomo la manga hininga ma dumutu ka manga niniatika dika. De kiani o Naboto niwihigogere o gogogeruku abe ka enangohi duru ihitunguu o horomati ilamoko unangika.

Gegetongo 11:16

Gea o Musa womahingahu ai hininga ma huha ibooto de ahao Ma Jou o Yawe wihibehehongo o Musaika wato, “Hokonaa Musa toniduhunu, ngona natoomuino o Isiraele ma nyawa manga hihira yamoritumidi abe ona gea nahioriki ona yososawaro o kokawaaha yahihira de manga hiaturu itiai. De ahao ona gea nao nanga Hikamake ma Tauino. Duru ahi Tau o Ngoerino ma himangoka ngini nimatatorika ngona de ona yamoritumidi gea.

Matiusu 27:66

Ho gea ona de ma tentara yomakiniiki yoiki ma lungunika de yodiai o popareta ma dodunguu o lungunu ma dadatoko ma poretino. Abe ma dodunguu gea yahitiari o nyawaika la ufa aruwae ma lungunu gea. De ahao ma tentara gea duru yogoa-goana la ko idadiua o nyawa yomahitigi genangika.

Ruutu 4:11

Ho ka de manga dimo-dimono de ona utu abe yomatoomuinoka genangoka yoihene ai demo gea de yotemo ato, “Ngomi midadioka o hakihii ma nyawa abe miamake ma gou-goungu abe ngona o Boasa o wange naa nodiaioka. Ngaro Ma Jou o Yawe wonihidadi ngonaika la ani gogianongoru, o Efaraata ma nyawa, inigoraka la ngona nodadi manga dimono. Angamoi itiai o nyawa manga horomati ilamoko ngonaika o Beteleheeme ma kotaka la ka ihikaika ona duru ko iniwohangua. De ma ngofeka gea abe nomile la nigogere moi ani tauoka duru mimigahoko la muna modadi imaketero hoka nanga be-be o ngo Lea de o ngo Rahele abe ma titi manga ngofaka manga ngoe hiadono ngone o Isiraele ma nyawa hofaa-faatuku nanga totoforaino gea.

Ruutu 4:2

De ahao o Boasa wahokino o nauru yangimoi abe ona o Beteleheeme ma dimo-dimonino de wogahoko la onangoo yogogeruku manga doomu ma ngioka la ona yototoihene o Boasa ai hingahu to una ai gianongoruika.