1 Kokoano 21:4 - Ma Jou ai Demo-demo o Totobelohoka

⁴ Ho o Ahaba wolio duru de ai ngamo de duru ai himanga itafukuoka angamoi o Naboto hokogea ai babaluhu ma demo. De womaiduiha ai koioka de ai kamara ma dadaduhika wohimangika de woluku wolomo.

1 Kokoano 21:4 ပူးပေါင်းရင်းမြစ်များ

2 Samuele 13:2

De ika-ika o Anono gea imaketero hoka iwigogama mangale ma titi ai hininga ma dodagi ka ihikaika ka munangika dika. Masara ngoi biranga gea muna ko ma moiuahi momaidu de o nauru ho una wato bote duru ko idadiuali womile.

2 Samuele 13:4

De ipaha o wange moiuku de o Yonadaba wimake abe o Anono ai himanga itafukuoka ho wileha unangika wato, “Adodoa ho ani hininga ihuha o wange-wangeiye? Angamoi ngona naa nanga koano ai ngofaka ho tanu ko iwa ma titi hiadono nohuha hokonaa!” De o Anono wipaluhu wato, “Masara ngohi duru ahi hininga adaene de ahi dodoto ngoi biranga o ngo Tamara.”

1 Kokoano 20:43

Ho o Isiraele ma nyawa manga koano, o Ahaba wolio ai kota o Samariaika duru wongamo de ai himanga itafukuoka.

1 Kokoano 21:1

De o Ahaba ai koano ma tau naga moioli o Yisereele ma kotaka, de ai tau ma datekoka naga o angguru ma redi abe ma dutu o Yisereele ma nyawa ai romanga o Naboto.

1 Kokoano 21:3

Masara o Naboto wopaluhu, wato, “Tomahilooa ahi koano, masara Ma Jou o Yawe ko wohihigunoaua hiadono ahi tonaka gea tonihidoaka ngonaika! De Una hokogea angamoi o tonaka gea to ngohi ahi oara abe ahi totoforaka de aino ka hiadono naa ngohi tamake.” Hokogea o Naboto woluku ai redi wafukunu.

1 Kokoano 21:5

De ngoi fekata o ngo Isebele mitutumu de mileha unangika, mato, “Ani huha o wani o kia ma titi? Marai duru de ani hininga ma huhaka abe hiadono noluku ani inomo naolomo.”

Estere 5:13

De ahao womahingahuoo abe ai hininga ma kangela, wato, “Masara ngaro hokogea ihigorakiye ma, ahi garago ko ilakua angamoi ka de timake o Yahudi ma nyawa o Modekai gea naga o koano ai tau ma ngoranoka de to ngohi ahi utumu ko tamaokaua.” Ho naa o Hamana wahingahuoka abe ai kangelaoo naga.

Tobadotoko 6:9

Ufa hiadono ngone ka ihikaika nanga hininga yoigo la o kaya homahidogo. Masara koaho nanga hininga isanangi de ma kiahonanga o kia dika abe nagau nanga giamoka. Angamoi nako nanga hininga ma horoodo ka ihikaika itagi, gea tanu ko iwa ma titi, abe imakadaene hoka duru ka ma hoanino dika halegono.

Yunusu 4:1

De o Yunusu duru ko wosanangiua angamoi Ma Jou ko wahibinaahaua o Niniwe ma nyawa ho hiadono wongamo.

Yunusu 4:4

De ahao Ma Jou o Yawe wotemo o Yunusika wato, “Ahi ngofaka, sarakia, gea itiai nongamo ma titi gea Ngohi todiaioka?”

Yunusu 4:8

De ahao o wange ma gurutiyeoka de Ma Jou wohiboaino o hidaloko abe o wange ma hiwariha italoko ho o wange duru kohahauku. De o Yunusu iwidahauku hiadono ai hininga ihihihanga ho duru woigo la wohonenge dika hiadono womatemo wato, “Nako ka towango-wangohi eko tohonenge, ngohi tato koaho tohonenge dika.”

Yunusu 4:9

De Ma Jou wileha o Yunusika wato, “Ahi ngofaka mode itiai nongamo hokonaa ma titi ma gumi-guminika abe ihonenge gea?” De o Yunusu wopaluhu wato, “Nako ngohi, marai tato itiai tongamo dika, ngaro hiadono ka todohonengika.”

Efesusu 4:27

Angamoi nako hoka nia ngamo gea ka niapaliarohi nia hiningaka, gea o ngekomo moi niobelenga o Ibilihi ma haekika la ena gea inihirehene o howonika.

Yakobusu 1:14

Masara gea tanu to ngone o nyawa homoi-homoi nanga hafini ma dorou abe inahitaili de inahiata-atara la ato inahiloara o howonika.

1 Samuele 28:23

Masara gea o Saulu ka woluku dika wolomo. De ahao to una ai nyawa yahinooto abe iwitobanii-niiki onangoo duru iwihigaro unangika, de ma bahauku de wahigihene manga demoika. Ho una ma tonakoka de womaokoiye de ahao wogogeruku o kuruhiioka abe naga genangoka.