1 Kokoano 21:2 - Ma Jou ai Demo-demo o Totobelohoka

² De o wange moiuku o Ahaba woiki witutumu o Nabotika de wihingahu unangika, wato, “Ngohi tonitutumu ngona ma titi toigo ngohi tomaija ani angguru ma redi de angamoi duru imakadateke ahi tauino ho duru toigo la idadi ahi gauku ma redi. De ani redi gea ngohi ka idadi taturuuru abe de o tonaka utuohi irahai eko nako ngona noigo ka idadi tofangu de o tiwi.” Hokogea o Ahaba wihingahu o Nabotika.

1 Kokoano 21:2 ပူးပေါင်းရင်းမြစ်များ

Dodadi 16:6

De o Abaraama womipaluhu wato, “Muna gea to ngona ani duduhunu ho to ngona ani giamoka. O kia dika nato itiai nodiai munangika, gea nodiai dika.” Ho o ngo Sarai duru momihikangela o ngo Hagarika hiadono ngo Hagara momatemo ami hiningaka mato, “Ngohi ko tapoaua ahi kangela naa ho koaho tomidogunoaika.” Ho gea ahao moara o ngo Hagara.

Dodadi 3:6

Ho muna gea moihenoka de angamoi mamake ma hofoko gea duru irahai ho duru moigo maolomo hiadono doka ami hiningaka mato, “O hofoko gea nako taolomo marai duru imutiti de gea igoungu inahidadi hososawaro ho duru toigo taolomo.” Ho ma hofoko gea momadofi de maolomo. De utu mihidoaka ami rokatika, angamoi una naga wominiikika, ho unangoo waolomo.

1 Kokoano 21:3

Masara o Naboto wopaluhu, wato, “Tomahilooa ahi koano, masara Ma Jou o Yawe ko wohihigunoaua hiadono ahi tonaka gea tonihidoaka ngonaika! De Una hokogea angamoi o tonaka gea to ngohi ahi oara abe ahi totoforaka de aino ka hiadono naa ngohi tamake.” Hokogea o Naboto woluku ai redi wafukunu.

1 Kokoano 21:6

De ami rokata womipaluhu womihingahu wato, “Ngohi naa duru ahi huha ihititi o Nabotoka abe una gea nanga datekoka! De ngaro ngohi o koano de tato ai angguru ma redi tomaija eko abe tato ka idadi taturuuru masara una woluku ho duru tongamo.” Hokogea o Ahaba woboi ai redi.

Huhupu 20:17

“Ngini ko idadiua niohafini o nyawa utu manga tau, eko manga fekata, eko manga duduhunu o nauru eko o ngofeka, eko manga hapi, eko manga aewani utu, de ngaro to ona manga kia dika naga, ma, ko idadiua niohafini enangika.” Hokogea Ma Jou ai pareta ngimoi o Isiraele ma nyawaika.

Tobadotoko 2:5

De ngaro o redi ma rorahai de ma hohailoa abe naga de ma gota ma hofoko irupa-rupa masara enangoo tomadiai la ihihisanangi.

Lukasa 12:15

De ahao o Yesusu wotemo o nyawa mata-mataika gea wato, “Ngini nihidodiai de nimagoana la ufa nia hininga ma horoodo inihipareta nginika. Angamoi nanga wowango ko ihititiua abe nanga kiahonangoka de aino.”

1 Timotiusu 6:9

Masara o nyawa gea abe o tiwi de o kiahonanga iwoe-woe yoohafi-hafini, ona gea ma ngoe manga horoodo ma bodo gea o tiwika yahihafi-hafini hiadono ona hoka o modoi yalikoka. De nako hiadono yataokino, gea de ahao manga wowango hoka ihidulungunoka de o kangela ka hiadono ona yobinaaha.

1 Samuele 29:6

De ona yotemo ibooto ho manga koano wiahokino o Dautu de wihingahu unangika wato, “Ngohi ahi demoino naa de duru tagou-goungu Ma Jou o Yawe ai himangoka. Abe ngohi tonietongo o nyawa abe duru toningaku ngonaika, ho nako ngohi ahi hininga tosanangi dika la homakiniiki o parangioka. Angamoi ngaro ma dihiraino abe noboaino de nohinii-niiki de hiadono ma oraha naa masara ani howono moioo de ko tamakeuahi. Masara nako ahi tentara manga hohidimono, ona gea duru yoluku la ngona nominiiki ma oraha miparangi.

1 Samuele 8:14

De ti ngini nia redi abe ka enangohi ma rorahai gea ena abe nia koano wakokile ngaro nia gandumu ma redi, ngaro nia angguru ma redi, de ngaro nia saitunu ma redi masara nako duru ai hininga yadaene ma tonakika gea de ka womale dika la ka idadi wahikodoku to una ai duduhunu ma doomuika.

1 Samuele 8:6

De ka de o Samuele woihene o Isiraele ma nyawa manga dimo-dimono manga gogahoko la wahidoaka onangika ai duruuru de o koano de duru ai hininga ihuha. Ho woiki womaniata Ma Jou o Yaweiye.