1 Kokoano 21:18 - Ma Jou ai Demo-demo o Totobelohoka

¹⁸ “Elia, ngona daukuku noiki nitutumu o Ahaba abe wohikoano o Samaria ma tonakoka. Una ahao nimake o Naboto ai angguru ma redioka o Yisereele ma kota ma goronaka abe ma oraha naa ma redi gea womahitounangoka.

1 Kokoano 21:18 ပူးပေါင်းရင်းမြစ်များ

2 Samuele 12:1

De Ma Jou o Yawe wihidingoto ai uru ma dodofanga, ai romanga o Natana, la woiki o Dautika. Ho una woboa o Dautu ai himangino de ai hingahu unangika ma rupa o hiketero ma ade-ade. Abe o Natana wiade-ade o Dautika hokonaa, wato, “Koano, naga moi abe idadioka kiani toniade-ade de hokonaa ma ade-ade. Naga o nauru yahinooto yogogere o kota moioka de womatengo wohuha o kiahonanga de womatengoli una gea wokaya.

1 Kokoano 13:32

Angamoi duru tonganono de tohioriki abe to una gea ai demo ahao idadi imaketero hoka wotemoka. Abe una nengokadauino de wadofanga Ma Jou ai demo ma titi ma huhuba ma ngi gea o Beteloka wato ahao kiani Ma Jou ai hohowono adaene enanguku. De nagali Ma Jou ai hohowono ma demo ma titi ma huhuba ma ngi utuoli dau o Samaria ma kapo-kapongoka, de ai demo enangoo kiani idadi imaketero hoka wotemoka.”

1 Kokoano 16:29

De o Ahaba, abe ai baba o Omiri, una womulaenge o Isiraele ma nyawa wahikoano ma oraha o Asa, abe daku o Yehuda ma tonakoka, wohikoano genangoka ngade-ngade ai taongo moruange de tufange ma dekanino. De ahao o Ahaba gea o Isiraele ma nyawa wahikoano ai taongo monaoko de hinooto ai dekana de wogogere o koano ma tauoka o Samaria ma kotaka.

1 Kokoano 21:1

De o Ahaba ai koano ma tau naga moioli o Yisereele ma kotaka, de ai tau ma datekoka naga o angguru ma redi abe ma dutu o Yisereele ma nyawa ai romanga o Naboto.

1 Kokoano 21:17

Masara Ma Jou o Yawe wimake abe gea mata-mata idadi de wihibehehongo o Eliaika abe Ma Jou ai uru ma dodofanga, wato,