1 Kokoano 21:16 - Ma Jou ai Demo-demo o Totobelohoka

¹⁶ Hokogea woihene de o Ahaba wosoboka woiki o angguru ma redika gea la ka idadi ma tonaka gea womahitounangoka.

1 Kokoano 21:16 ပူးပေါင်းရင်းမြစ်များ

1 Kokoano 21:1

De o Ahaba ai koano ma tau naga moioli o Yisereele ma kotaka, de ai tau ma datekoka naga o angguru ma redi abe ma dutu o Yisereele ma nyawa ai romanga o Naboto.

1 Kokoano 21:15

Ka de o ngo Isebele moihene o abari gea abe o Naboto iwihakaru hiadono wohonengoka de moiki mihingahu o Ahabika, mato, “Ahi rokata, nomomikoka! Naa adonoka ngona o angguru ma redi gea ka idadi nomale dika abe o Naboto gea woluku wofukunu ngonaika. Angamoi ko wowangokaua abe una wohonengoka!”

1 Kokoano 21:17

Masara Ma Jou o Yawe wimake abe gea mata-mata idadi de wihibehehongo o Eliaika abe Ma Jou ai uru ma dodofanga, wato,

2 Kokoano 5:24

De ona yaruange yosobo yomakiniiki yotagi-tagi ka hiadono yomahitigika o Elisa ai ngiika, abe o Elisa wogogere o lokuoka. Ho ma lokuoka gea de ahao o Gehasi wale ma hidoaka mata-mata ona yahinootoino de wahuloko la ona iwigilio dika o Naamanika. De ona yosoboka de ahao una wowohama ma tau ma goronaika de womataiti wagogono ma hidoaka gea.

Roma 1:32

De gea ma titi o kia hiadono manga datoro hokogea? Bote ma titi ona gea ko ihiorikua abe ahao Ma Jou wahohowono onangika? Koua, ona gea ihiorikoka abe nako Ma Jou ai Pareta, gea itemo ato onagona dika abe yatobaniiki o datoro ma dorou gea de kiani manga hohowono o honenge yadaene onanguku. De ngaro ma pareta ma demo ihiorikoka de itararono, masara ka oko dika yodiai ma dorou. De hongoli ona yosanangi dika nako o nyawa utuoli yotobadiai ma datoro ma dorou gea abe imaketero hoka onangoli ma hirete yotobadiai manga wowangoka. De hokogea o nyawa manga hininga abe ona yoluku yomahuba Unangika abe Una wonatulaadauku, de hiadono yolukoo iwihoromati Unangika. De genangino itararono abe Ma Jou ai hohowono onangika duru itiai de itaana ma titi manga hininga ma datorino.

2 Peturusu 2:15

De igoungu ona gea yorehenoka o totiai ma ngekomoka de aino angamoi ona ko yolegaikakaua enangika. Masara ona yaniikoli o Bileama ai hininga ma ngekomo, abe una ma dodihiraino to Beoro ai ngofaka. Abe una ma dodihiraino de wohafini o tiwika hiadono o dodaere moi wamakeoka. De o Bileama una tanu Ma Jou ai uru ma dodofanga womatengo. Masara naga ma moiuku idadi abe o Bileama iwihewa o nyawa la ato o dorou wodiai de gea bari ma dorouino waduhunu onangika. De gea o Bileama duru wohafini ai hewaika abe ahao wamake ai datoro ma dorou ma hofokino.