1 Kokoano 21:13 - Ma Jou ai Demo-demo o Totobelohoka

¹³ De ahao ona yotobadiai o demo ma dorou yahinooto gea abe yahewaka, ona yogogeruku la yomarihimanga de o Naboto. De ona iwitae ho iwihiade-ade o nyawa mata-mata manga himangoka ato iwimake abe Ma Jou widoana de ai koanoo ma, widoana. Ho ona o doomuoka gea o Naboto iwiao iwiliara iwihihupuoka o kota ma poretika de genangoka iwihakaru ka hiadono wohonenge.

1 Kokoano 21:13 ပူးပေါင်းရင်းမြစ်များ

1 Kokoano 21:14

De o kota ma dimo-dimono manga hidingoto womatengo woiki manga hingahu wadofanga o ngo Isebelika, ato, “O Naboto iwihohowono de o hakaru hiadono wohonengoka.” Hokogea dika manga hingahu ma gurutu munangika.

2 Kokoano 6:32

De una womahikoboto ipahaino de ahao wihidingoto ai nyawa womatengo la woiki o Elisa ai tauika de wiaoino ma koano ai himangino. De o Elisa naga ai tauoka de nagali o Samaria manga hihira yamuruono naga yomakoketemo de una ai tau ma goronaka. De ma koano ai hidingoto ma nyawa ko womahiadonuahi de o Elisa wotemo o Samaria manga hihiraika gea ma titi manga koano wato, “Naa tinihingahu dika abe naga o tobatoma ma nyawa abe wihidingoto ai nyawa womatengo ngohino. De o tobatoma ma nyawa gea wohihideeoka wato ahi pea watobiki. De ma oraha naa ma nyawa gea ngade-ngade womahiadono naangino. Ho ma oraha una woboa ahi ngoranino de ngini kiani duru niogoana ma ngorana la ufa wowohamino. De marai to una ai baluhu, ma koano, marai unangoo bootino woboaino abe wihidoduruino ai hidingoto ma nyawaino. Ho kiani nihidodiai niogoana ma ngorana.”

Higiriiri 27:12

Ho ngohi tomagahoko la ufa nohihidoaka manga giamika. Abe ona ihitae ato ngohi todiai duru itorou, Masara ona yoeluku dika, ena gea ko todiaiua, Ona yoeluku angamoi ka ihikaika duru yoigo ihihibinaaha. Hokogea ka ihikaika manga mau ngohino.

Huhupu 20:16

“Ngini ko idadiua o nyawa niadofa-dofanga de niahiade-ade itorou.”

Yesaya 8:21

De Ma Jou ka wohitemohi ma titi ena gea abe wato, “De ahi nyawa yatao-taokino gea ahao yoparadidu / yohuruputu aika aino ma tonakoka gea de duru yohafini de yohu-huha. De manga hafini gea yahidadi la duru yongamo hiadono o doana ma demo ihupu manga uruino. Abe gea iwidoana ma koanoika de ngaro Ngohioo manga Jouino masara yomamatagaiye de ihidoana Ngohino.

Maleaki 3:5

De Ma Jou o Yawe duru Wokokurutiye wogila-gila wotemo nginika wato, “De ma oraha gea toboa la tinihohowono nginika. Abe Ngohi ko totaka-takaua toade-ade o nyawa manga howo-howono, masara gea ka tomoroini dika totemoiye. Abe onagona dika o dodiai yotobadiai, de abe yahowono ma titi yomaidu de abe ko manga fekatua eko manga rokatua, de ona abe yomahikoboto ato bari yotemo ma gou-goungu dika masara ka yoeluku o nyawa manga himangoka, onangika mata-mata tohidaere manga howo-howono. De onangoli tohidaere manga howono abe yahikarajaanga o nyawa masara yarusi ma titi manga hewa ma tiwino, de o nyawa onagona dika abe yarusi o ngo bao-baoika eko o gohihi ma ngofaka. De onagona dika abe ka yoluku yaduhunu o homoa ma nyawa abe yadioniki nginioka, onangoli tohidaere manga howono. Angamoi o nyawa homoi-homoi abe manga datoro ma dorou hokogea, ona ko iwa manga horomati de manga modongo Ngohino.” De hokogea Ma Jou o Yawe Wokokurutiye ai hitararono ma demo ma titi ai hohowono nginika.

Matiusu 9:3

Masara genangoka naga o nyawa ko manga ngoe, de yamuruono naga abe o Musa ai Paretaino yotobadoto-dotoko, de ona gea ka de yoihene abe o Yesusu ai demo wolugu-luguika de ona manga hiningaka ato, “Ei, Una naa Ma Jou wingelo ai demoino. Angamoi Una womahitouna abe Ma Jou dika ai karajaanga la o nyawa manga howono waofi. Ho naa Una duru womahikurutiye abe womahitero-tero de Ma Jou!” Hokogea itagi manga hiningaka.

Lukasa 23:2

De ona iwitae-tae o Yesusika o Pilatusu ai himangoka ato, “Una naa abe wahirehene to ngomi mia nyawa, de ko wahigunoaua mia nyawa la yofangu manga pajaka ma tiwi ti ngini o Roma ma nyawa nia koano o Kaisarika. De hongoli Una naa womahingahu abe to ngomi mia Mesia abe ma dihirainohi de Ma Jou womihibehehongo wato ahao wihidingoto ngomiuku la wodadi to ngomi mia koano!”

Yohanese 19:12

Ka de o Pilatusu woihene o Yesusu ai demo gea de wolingiri ma ngekomo la wato o Yesusu wihiluasa ai kangelaino. Ma ka de wohupuoli o tauino de o Yahudi ma nyawa ihigali-gali yopoa-poaka iwihihawana unangika ato, “Unangoo hoka womahidadioka ti nginioo nia koano ho Una o Kaisara ai musu. Ho done sarakia de ngona nato noigo la o Yesusu gea nihiluasa?”

Hidingoto 24:5

Abe ngomi duru wiwietongo unangika gea miato una o nyawa abe ka ihikaika wahikapusaka o nyawa manga hiningaika hiadono o kangela miaohana. De una ka ihikaika wahigaro o Yahudi ma nyawaika la yalawana o Roma ma poparetaika. De gea ngaro nenangoka o Isiraele ma tonakoka de ngaro o dunia ma amokika masara duru ma ngoe idadioka abe una wahikapusaka o nyawa manga hininga hiadono o huruhara idadioka. De una gea wodadioka to ona manga hihira abe o doomu moi ihiromanga ato o Nasaretoka manga doomu.

Hidingoto 6:11

De ko idadiua iwihikala ho ona gea yahigaro o nyawa utu la yoeluku ma titi o Setefanusu ai demo. De gea yadotoko la yotemo ato, “Ngomi naa miihene o Setefanusu ai demoino abe una duru wingelo nanga tofora o Musaika, de hongoli una wingelo Ma Jouika!”

Ibarani 11:37

De utuoli yahakaru onangika hiadono yohonenge, de utuoli manga badanga yahipelaka de o garagaji, de utuoli yahitoma de o humarangino, de utu duru yohuha abe ka ihikaika yomahinoauku de o domba eko o kabingi ma kaiino dika manga pakeanga. De ona gea duru ko kia-kiaua manga kiahonanga, de ka ihikaika o nyawa yahikangela onangika de yao duru ko irahaiua.