1 Kokoano 20:20 - Ma Jou ai Demo-demo o Totobelohoka

²⁰ De o Isiraele manga tentara ma nau-nauru yomahiboridengo-dengo yomakadono de yatoma o Arama ma tentara homoi-homoiika. Hokogea yaparangi de itodokanino de o Arama ma nyawa manga tentara mata-mataika yakapusakoka ho yoara. De o Isiraele ma nyawa manga tentara yakiniiki yatoma masara naga utu ko yowoeua abe o kudauku yobarene. De abe ona yobarene o kudauku ona ka hiadono ko yadaenuahi manga musu yatoma de ona yogila-gila yoarohi. De manga koano o Bene-Hadada unangoo womadaene woara.

1 Kokoano 20:20 ပူးပေါင်းရင်းမြစ်များ

2 Samuele 2:16

De yairiki ipahaino de ona gea yomakalawana. Ho ona homoi-homoi yomakoso manga musu yomatengoika manga tadaurika de ahao ka yatopoko manga gumurukika de manga humaranga. Ho ma bahauku de ona yamonaoko de yaiata mata-mata yoborihonenge ma titi manga nabo gea. De mangale ma titi gea hiadono o nyawa yahiromanga ma hikalawana ma ngi gea ato “O Humaranga ma Tonaka.”

1 Kokoano 15:18

De o Asa womahibalaha hokonaa, una wale o haaka de o gurasi ma hou abe nagahi Ma Jou o Yawe ai Tau ma goronaka de utu wale o gurasi de o haaka o koano ai tauino de ena mata-mata wapake la o duduhunu wamake o Arama ma tonakino. Abe to una ai duduhunu ma nyawa yamuruono naga wairiki de wahidingoto de ma gurasi de ma haaka gea yao o Arama ma kota ma ayoika o Damasiki. De genangoka ona kiani iwitutumu ma koano o Bene-Hadada abe ai baba o Tabarimo de ai ete o Arama ma nyawa manga koano ma dihira abe ai romanga o Hesiono. De hokonaa o Asa ai hingahu abe kiani yadofanga o Bene-Hadadika.

1 Kokoano 20:19

De ma oraha o Bene-Hadada ka wotemohi hokogea masara o Ahaba ai kapo-kapongo ma tentara ma dodoomuino yokokiboakau de manga hohidimono yahihira-hira ho naa ona yadonoka o Bene-Hadada ai tentara ma ngioka.

1 Kokoano 20:21

Ma, ngaro hokogea o Arama ma tentara utu yoaroka, masara utu naga duru ko manga ngoe yohonenge ka hiadono manga kuda de manga parangi ma gogoroba enangoo kohangoe ihibinaaha.

Higiriiri 33:16

Nako naga o koano womatengo de yomaketeparangi de ai musu, gea tanu ko ma titiua ai tentara manga ngoe hiadono ma koano gea wahikala ai musuika. De ko ma titiua womatengo o tentara naga de ai bobuturungoka hiadono una wakunu womaduhunu ai musuino.

Hihira 7:23

De o Gideono ai tentara utu, abe yowoe-woe gea, abe ma dihiraino o Isiraele ma nau-nauru gea wahokino o Nafatali manga dutuino, de o Asere ma dutuino, de o Manase ma dutuino, ahao naa adono onangika o Gideono ai huhuloko abe wato ona kiani yoiki yaniiki yaparangi o Midiana manga tentara abe naa yokokiloara. De o Gideono ai huhuloko yahingounu ho yakiniiki o Midiana manga tentara de yaparangi.