1 Kokoano 2:4 - Ma Jou ai Demo-demo o Totobelohoka

⁴ De gea ka ngonaua dika abe namake ma owa genangino. Angamoi ma dihiraino Ma Jou o Yawe wohihibehehongo wato, ‘Nako ani ngofa-ngofakuku ona ihitobaniiki Ngohi de manga hininga ma gahumu de naga manga hingounu ka ihikaika ahi demoino, gea de ahao ka ihikaika naga womatengo ani totoforaukuino wodadi ani duruuru abe una wahikoano o Isiraele ma nyawaika.’ Hokogea Ma Jou ai behehongo ngohino ma dihira, de ngohi naa duru toigo la ai demo gea idadi. Ho gea hiadono ngohi tato kiani ngona duru ka ihikaika naniiki itiai to Una ai Demo-demo.”

1 Kokoano 2:4 ပူးပေါင်းရင်းမြစ်များ

Dodadi 17:1

De o taongo ngimoi de hange ipahaika de o Abaraama ai ngumuru adonoka ai taongo morihiwo de hiwo. De ahao Ma Jou o Yawe womahimatokoli unangika de wihingahu wato, “Abaraama, Ngohi naa Ma Jou Tokokurutiye abe o kia dika tato todiai gea ka idadi todiai. Ngona ahi himangoka kiani nowango itiai la ko iwa moi tamake ani datoroka abe ka idadi tonitaere.

2 Samuele 7:25

“De naa ahi Baluhu Ma Jou o Yawe, abe nohihibehehongoka ngohino de ahi tauikaoo, ngaro nodiai duru imaketero de ani behehongo ma demo gea. Tomagahoko la ani behehongo gea nohiaturu la ilaku ka hiado-adonika.

1 Kokoano 1:48

Abe una wato, ‘Duru itiai ngone mata-mata hihigiriiri ngone o Isiraele ma nyawa nanga Jou o Yawe. Angamoi o wange naa wohihigunoa ngohi la ka idadi timake ahi ngofaka wodadi ahi duruuru de wogogere ahi kaderauku.’” Hokogea o Yonatana ai hingahu ma demo abe wihingahu o Adoniaika.

1 Kokoano 11:36

De o Isiraele ma nyawa manga dutu moi tanoaika o Saloomo ai ngofakoka la o Isiraele ma nyawa ma dobiki ka idadiohi wahikoano. Hokogea todiai la ahi gilaongo o Dautu ka ihikaika naga ai totoforauku abe wohikoano o Yerusaleeme ma kota ma goronaka angamoi o Yerusaleeme ma kota abe gea ena tairikoka la to Ngohi ahi romanga o nyawa yagorakiye genangoka.

1 Kokoano 3:14

De naa Ngohi tonihibehehongo ngonaika tato nako nohinii-niiki to Ngohi ahi hininga de ahi demo-demo abe imaketero hoka ani baba o Dautu unangoli wohiniiki, gea ahao tonihidoaka la ani wowango ikurutu o duniaka naa.”

1 Kokoano 3:3

De o Saloomo una witobanii-niiki Ma Jouika abe ka ihikaika waniiki ai baba o Dautu ai hitiari de ai demo abe ma dihiraino ai baba widotoko unangika. Masara naga moi dika ai datoro abe ko itiaiua, de gea o Saloomo ka ihikaika wodoaiye o loku-lokuiye gea la womahihuba ai huhuba Ma Jouiye.

1 Kokoano 9:5

De nako hiadono nagou-goungu nohiniiki Ngohi ahao tonihigunoa la ngona de ani totoforauku niahikoano o Isiraele ma nyawaika ka hiado-adonika la gea imakiniiki de ahi behehongo ma demo ma dihiraino ani baba o Dautika. Abe ahi demo unangika tato ka ihikaika naga womatengo ai totoforaukuino abe yogogeruku o Isiraele manga koano ma kaderauku.”

2 Kokoano 23:25

De ngaro o Isiraele ma nyawa manga kokoano yododihiraika de ngaro manga kokoano abe o Yosia iwihidoduruino masara ko moiua abe manga koano manga hininga ka ilio Ma Jou o Yaweika hoka o Yosiali. Una duru womangali ma gou-goungu Ma Jouika de ai hininga ma gahumu, de ai jiwa ma gahumu, de ai buturungu ma gahumu. Abe o Yosia duru waniiki itiai Ma Jou ai behehongo, de ai pareta ma hiaturu mata-mataika duru wohingounu abe o Musa wotulihi Ma Jou ai Pareta ma Bukuoka.

2 Kokoano 23:3

De ma oraha gea o Yosia womaokoino Ma Jou ai Tau ma liate ma amoko ma datekoka abe genangoka o kuaha ma dodunguu ma ngi abe una o koano ka idadi wapake. De una womaputuhoka wato o Isiraele ma nyawa manga behehongo, abe ma dihira yomahiketehibehehongoka de Ma Jou, naa ma hungioli wodiai wihibehehongo Ma Jou o Yawe ai himangoka. De o Yosia wato una ma hirete Ma Jou o Yawe wihingounu duru de ai hininga ma gahumu, de ai jiwa ma gahumu. Abe una womahibehehongo wato Ma Jou ai behehongo, de ai behehongo ma hiaturu, de ai pareta mata-mata waniiki itiai abe naga o buku ma lulu ma goronaka. De ahao o Isiraele ma nyawa mata-mata genangoka onangoo yomaputuhu abe imaketero hoka manga koanoli la yaniiki mata-mata abe naga Ma Jou ai Behehongo ma Bukuoka.

1 Tawari 28:9

De ahao nagali ai demo ma dumutu o Saloomoika wato, “De naa ahi behehongo ngonaika ahi ngofaka o Saloomo, tonihibehehongo la ani baba ai Jou to Una ai hininga kiani nohitihira abe mata-mata nodiai. De nileleani Ma Jou de to ngona ani hininga ma gahumu de ka ihikaika nomahidiaioka nodafongo mata-mata abe Una wonihidumutu ngonaika. De angamoi Ma Jou o Yawe watailako mata-mata o nyawa manga kokihiningaika de ngaro manga hininga ma dumutu ma genangoo mata-mata wohiorikoka. De ufa hafikiri abe ngone ka idadi Ma Jou hibudi. De nako duru de nanga hininga ma gahumu de nanga jiwa ma gahumu hilingiri to ngone nanga Jou de ahao ai mau hamake ngoneino. Masara nako hinoaika de hiadono hiolukoka de igoungu, Una ahao wonaoluku ngone ka hiado-adonika.

2 Tawari 17:3

De Ma Jou o Yawe ka ihikaika wihiowa o Yosafata angamoi ai wowango ma datoro hoka ai tofora o Dautoli. De una duru ko womahuba-hubaua o pangao o Baalika.

Higiriiri 37:22

Ho ona abe manga hininga hokogea Ma Jou o Yawe wahiowa, De manga oara Unangino o tonaka abe ka idadi yoriidi genangoka. Masara ona abe manga wowango itorou hiadono kiani wahohowono, To ona manga wowango watobiki ho ka yohonenge dika.

Higiriiri 37:9

De abeika, ona abe yotobadiai itotorou ahao yahibinaahaka, Masara ona abe iwingaku Ma Jou o Yaweika ko yobinaahaua, De to ona manga tonaka yamake abe ka idadi yoriidi genangoka.

Matiusu 22:37

De o Yesusu wopaluhu unangika wato, “‘De kiani nia Jou o Yaweikahi niwidora de nia womaha ma gahumu, de kiani niwidora de nia wowango ma gahumu, de kiani niwidora Unangika de nia hiningaoo ma gahumu.’

Higalioli 11:13

De ahao o Musa wahingahu ai gogianongoru o Isiraele ma nyawaika wato, “Ho nako ngini duru nihidodiai niahingounu Ma Jou ai pareta mata-mata abe tinidofanga nginika o wange naa, Una ahao duru winihiowa nginika. Abe nengokadauino de Una winihuloko la ngini niwidora Unangika abe ti ngini nia Jou o Yawe, de gea niwidora de ti ngini nia hininga ma gahumu de ti ngini nia wowango ma gahumu.

Higalioli 6:5

De ngini kiani niwidora nia Jou o Yaweikahi de ti ngini nia hininga ma gahumu, de kiani niwidora de nia wowango ma gahumu, de kiani niwidora Unangika de o kia dika mata-mata abe naga nginioka!”

Yudasa 1:24

Ho naa ngone ngaro ka hihigiriirioka abe Ma Jou nanga Duduhuniye! Angamoi Una gea ka wakunu wonatiki la ufa hopeleke de horuba o howonuku. De mangale ma titi Una wonaduhunu hiadono ko horubaua, ho ahao ka idadi wonaao ai himangino de to ngone nanga howono duru ko iwaka ngoneoka, angamoi nanga wowango o duniakahi de o wange-wangeiye wonaduhunu la ufa hahowono. Ho ahao ma oraha homarihimangino de Una abe naga de ai medebini ma dararonoka, de gea o howono ngoneoka duru ko iwaka ma titi to Una ai duduhunu ngoneino, ho gea ngone duru hogogaragoholi to Una ai himangoka.