1 Kokoano 2:37 - Ma Jou ai Demo-demo o Totobelohoka

³⁷ De nako hiadono ngona nohupuika de natilakuru o Kidono ma akere ma dodagi abe naga duru o Yerusaleeme ma datekoka, gea de ahao ngona kiani inihohonenge. De naa ngohi tonihitiarioka ho nako idadi de gea to ngona ma hirete ani howono inidaene ngonauku.”

1 Kokoano 2:37 ပူးပေါင်းရင်းမြစ်များ

2 Samuele 1:16

De o Dautu wotemoli unangika wato, “Ani hohonenge naa to ngona ma hirete ani tagongo ma titi ani howono. Abe ngona ani uru ma demoino de nomangakuoka nato nihohonenge ma koano abe Ma Jou o Yawe Una ma hirete wigoraka.”

1 Kokoano 15:13

De ngoi be o ngo Maaka, munangoo mohigoko o pangao ma liate abe ihiromanga o ngo Asitorete ami liate. De ena gea duru ma dorou abe yahimaleke o nyawa abe manga datoro itiai. De o ngo Maaka gea ami gogere o koano ai tauoka duru de ma horomatioka de o nyawa imigorakiye ma titi muna o koano ngoi be. Masara o Asa ngoi be ami pangao gea watolanga de ahao watufuku o Kidono ma dolaka de muna womihiguti ami gogerino.

1 Kokoano 2:31

De ma demo gea ma koano woihene ho wopaluhu wato, “Nako to una ai hininga de ai demo hokogea, ka idadi ngona genangoka dika nihohonenge de ahao ai badanga naoika de nohilungunu. Angamoi ma dihiraino ma oraha wileleani ahi baba o Dautika de una ka watoma dika o nyawa manga ngoe abe manga howono ko iwa. Ho gea imaketero hoka ai datoro gea imahora ahi babaika de ngohinoo hiadono to ngomi mia romanga imiwea-weara ma titi ai datoro ma dorou gea. Ho naa ngohi tosanangi dika wohonenge la ibootohi mia romanga wawewedere.

1 Kokoano 2:33

Ho ngohi togahoko Ma Jou o Yaweika la o Yoaba ai howono gea imanoa unangoka de ai totoforaukuoka dika ngaro ona ko yomaboauahi. De togahokoo la Ma Jou womihiowa dika ngomi mata-mata abe midadi o Dautu ai totoforauku. De ngaro ma koano mata-mata ai totoforaukuino abe ko yomaboauahi masara tonganono la onangoo yamake ma hiowa dika Unangoka de aino.”

1 Kokoano 2:38

De o Simei woihene ma koano ai demo gea de wipaluhu wato, “Iya, ahi koano, ani demo irahai. Ho ngohi ka idadi ani demo todafongo de taniiki enangika.” De gea igoungu abe o Simei womanoa ai dekana o Yerusaleeme ma kota ma goronaka.

2 Kokoano 23:6

De o ngo Asitorete ma pangao ma liate abe naga Ma Jou o Yawe ai Tau ma goronaka gea ena yao o Yerusaleeme ma kota ma hoanika de ahao o Kidono ma dolaka yatufuku. De yatufuku ibooto de ahao yawedere ka hiadono idadi hoka ma dukuuru dika de gea ihibarihi o lungunu ma ngi-ngioka abe manga nyawa biaha yatobalungunu genangoka.

Yohanese 18:1

Ho ka de o Yesusu womaniata ibooto de yoiki Una de ona iwitobaniiki. Ona youtiuku o Kidono ma dolauku de doka ma honongaiye yodoa o rediye moi abe genangoka o nyawa yodatomo o saitunu ma gota. Genangika yoiki o Yesusu de ona iwitobaniiki.

Yosua 2:19

Ho nako naga onagona dika ani tauino yohupu ma hoanika, de hiadono yobodito hiadono manga awunu iuihi, gea ko to ngomiua mia tagongo. Masara ona mata-mataika abe naga to ngona ani tau ma goronaka naa yodadioka to ngomi mia tagongo ma oraha ngini o Yeriko ma nyawa minihikala. Ho nako naga ona ani tau ma goronaka abe ahao ona yobodito hiadono manga awunu iuihi gea to ngomi mia tagongo.