1 Kokoano 2:28 - Ma Jou ai Demo-demo o Totobelohoka

²⁸ Ma dihiraino abe ma oraha o Abasalomo wihidee la wihohonenge o Dautu de gea o Yoaba ko wohimotekua. Masara ipahaino abe ma oraha o Adonia unangoli woigo womahidadi manga koano de o Yoaba winiiki to Adonia ai hidee gea. Ho ka de o Yoaba woihenino o abari ma titi o Adonia iwihohonengoka de duru wimodongo o Saloomoika, ho woara Ma Jou o Yawe ai Tauika la womaduhunu. Abe una womahiadono o Tau o Ngoerino gea de wowohama doka ma goronaika de waso ma huhuba ma ngiika ho womahigagao enangika done o nyawa iwidodoa unangika.

1 Kokoano 2:28 ပူးပေါင်းရင်းမြစ်များ

1 Kokoano 1:50

De o Adonia una duru wimodongo o Saloomoika ho ka dau de womasikaa de wosobo woiki Ma Jou ai Tauika de genangoka womahijojoika o huhuba ma ngi ma tatadukika la wato genangino womadatoko ai boditoino.

1 Kokoano 1:7

De ahao o Adonia yomakoketemo de o Abiatara manga hidemo ma nyawa womatengo de o Yoaba manga tentara ma hidimono abe to una ngoi meme o ngo Seruya. De yomakoketemo ibooto de ona yahinooto yosanangi de o Adonia ai hidee ho yoigo iwiduhunu.

Huhupu 21:14

Masara o nauru abe ma dihiraino ai dohata itagi o nyawaika hiadono o nyawa gea watoma de ahao woara o gogogono ma ngiika gea ko tinihigunoaua niwigogono. Ho ngaro una womahigagao to Ngohi ahi huhuba ma ngiika la ufa niwitoma masara una gea kiani niwile de niwihikatingaka ma gurutika de ahi huhuba ma ngi de niwihohowono ka hiadono wohonenge.”

Huhupu 27:2

De daku ma barene ma libuku iatoka gea niodiai ma rupa hoka o tataduku homoi-homoiika abe nihipasika duru ikekete la idadi moi de ma badanga. Gea nidiai ibooto de ahao mata-mataika kiani nihihawo de o tabaaga abe nihisapuroka de o hori.

Higalioli 32:35

Ho ahao ma oraha adonoka de Ngohi tahibalaha onangika, de ko itedekanokaua de ahao manga hibinaaha iboa onangika, de gea ahao manga hohowono ma amoko imataiti dika yadaene onanguku.