1 Kokoano 2:27 - Ma Jou ai Demo-demo o Totobelohoka

²⁷ De witemo ipaha de ahao o Saloomo wihiguti o Abiatara ai gogeroka de wauku la ibootohi wilelelani de wodadi Ma Jou o Yawe ai hidemo ma nyawa. De abe iwihigutiuku, gea duru imakiniiki de Ma Jou ai demo moi abe ma dihiraino wotemoka o Silo ma kapongoka. Abe ma dihiraino gea de Ma Jou ai uru ma dodofanga yotemo to Una ai demo abe wato ahao wohibobaha o Eli de ai ngofa-ngofakuku manga leleani la ibootohi yodadi Ma Jou ai hidemo ma nyawa. Ho naa duru igoungu idadi imaketero dika hoka Ma Jou ai demo ma dihiraino gea.

1 Kokoano 2:27 ပူးပေါင်းရင်းမြစ်များ

1 Kokoano 2:35

De ipahaino ahao ma koano wigoraka o Benaya la wituruuru o Yoaba, ho unangoli wodadi manga tentara ma hidimono wokokurutiye. De nako o Abiatara abe una ma dihiraino wodadi manga hidemo ma nyawa Ma Jouiye, unangoo naga ai duruuru. Abe ma koano wigoraka o Sadoko la wituruuru o Abiatara gea.

Matiusu 26:56

Ma gea adodoaua, angamoi kiani idadi hokonaa la ingodumoka gea abe Ma Jou ai uru ma dodofanga ihitulihukuokau to Una ai Bukuoka.” De gea o Yesusu iwinii-niiki yokokiloaroka ho ka iwidogunoaika.

Yohanese 12:38

De idadi hokogea la duru imaketero hoka ma dihira Ma Jou wihiakunu ai uru ma dodofanga o Yesaya wotemo, wato, “Ahi Baluhu, onagona yangaku gea abe miahingahuoka? De onagonaika ahi Baluhu wahimatoko onangika to Una ai buturungu?”

Yohanese 19:24

Masara o tentara ma nyawa gea yomakoketemo ato, “Ngaro ufa naa ena hakakihi masara koaho homakamaihi la onaguna iwidaene ma mamaihi, una gea wamake ai baju naa.” De hokogea o tentara yaiata gea yodiai la ingodumu abe ma dodihiraka atulihuku Ma Jou ai Bukuoka ato, “Ahi pakeanga yomahikodoku masara de ahi baju yomakamaihi la ihioriki onaguna ahao wamake.”

Yohanese 19:28

Ka de wahibehehongoka onangika ibooto de o Yesusu wohiorikoka ai karajaanga abe o nyawa waduhunu, naa mata-mata wabootoka. De naa o Yesusu wotemo de ai demo duru imakadaene abe ma dihira Ma Jou ai uru ma dodofanga ihitulihukuoka Ma Jou ai Demo-demoka, abe wotemo wato, “Ngohi ahi ngomaha yodudungu.”

1 Samuele 22:20

Masara naga o Ahimeleke ai ngofaka womatengo abe wakunu womahiloara ho ko iwihohonengua. De una gea ai romanga o Abiatara, de una woara o Dautika.