1 Kokoano 2:26 - Ma Jou ai Demo-demo o Totobelohoka

²⁶ De ipahaino de ma koano witemo o Abiatarika wato, “Ngona ka idadi nolio dika ani tauika o Anato ma kapongoka. Abe ngohi tato duru itaana nako inihohonenge ma titi ani hininga ma dorou gea masara ma oraha naa de tonigumalaika dika ho ko tonihohonenguahi. Angamoi ma dihiraino ngona de ahi baba o Dautu nimakokiniiki de nitobaduhunu unangika ma oraha una ai kokangela ma gogiriaka. De nagali abe ngona de ani dodiawo niagoraka de niao Ma Jou o Yawe ai Peti aika aino. Ho o wange naa marai ko nohonenguahi.”

1 Kokoano 2:26 ပူးပေါင်းရင်းမြစ်များ

2 Samuele 12:5

De ma ade-ade gea o Dautu ka de woihene de duru wongamo wokaya-kayaika de wihingahu o Natanika, wato, “De naa tohibehehongo de Ma Jou o Yawe ai romanga tapake, kiani o kaya ma nyawa gea iwihohowono ka hiadono wohonenge!

1 Kokoano 1:25

De gea tonileha angamoi ahao kangano una woiki de womahihuba o aewani ma ngoe. Abe naga o domba de o hapi, de utu ma hapino gea duru yatofo irahai ho de ma hakioka. De gea womahihuba de wahoko o tentara manga hohidimono de o Abiatara o hidemo ma nyawa gea, de ani ngofa-ngofaka o nauru utu mata-mata. Ho ma oraha naa naga de ona mata-mata yodiai o ngolo-ngolomo de yomakutuono yolomo o Adonia gea ai himangoka, de hiadono ona iwihinere-nere ato, ‘Ngaro mia koano ma hungi o Adonia ai wowango duru ikurutu!’

1 Kokoano 1:7

De ahao o Adonia yomakoketemo de o Abiatara manga hidemo ma nyawa womatengo de o Yoaba manga tentara ma hidimono abe to una ngoi meme o ngo Seruya. De yomakoketemo ibooto de ona yahinooto yosanangi de o Adonia ai hidee ho yoigo iwiduhunu.

1 Kokoano 2:35

De ipahaino ahao ma koano wigoraka o Benaya la wituruuru o Yoaba, ho unangoli wodadi manga tentara ma hidimono wokokurutiye. De nako o Abiatara abe una ma dihiraino wodadi manga hidemo ma nyawa Ma Jouiye, unangoo naga ai duruuru. Abe ma koano wigoraka o Sadoko la wituruuru o Abiatara gea.

Matiusu 10:42

“De naga o nyawa utuoli abe ahao yamake ma owa Ma Jouoka. De gea o nyawa abe iniduhunu ngini ma titi inihioriki abe ngini nihinii-niiki Ngohi. Abe ngaro manga duduhunu nginika hoka o akere ka o mangko moi dika inihidoaka, masara ona gea ahao kiani yamake ma owa Ma Jouoka. De gea ngaro ngini nia gogere ko ikurutiyeua nako de nia dodiawo utu abe ngini mata-mata nihitobanii-niiki Ngohi, masara nako o nyawa iniduhunu nginika hokogea, ona gea ahao manga utumu yamake.” De hokogea o Yesusu ai behehongo ma demo iwitobanii-niikika ma titi abe ngade-ngade yosobo. Abe wahidingoto ona la yahingahu-ngahu o Yahudi ma nyawaika o kapongo homoi-homoiika ma titi abe hokokia ahao Ma Jou wahikoano ai nyawaika. De wahibehehongo ibooto de ona yosoboka yotagi-tagi o Isiraele ma tonaka ma kapo-kapongika.

Lukasa 22:28

De o Yesusu wogila-gilali wato, “De naa Ngohi duru tinidosanangi nginika angamoi ngaro o nyawa ihihikokangela Ngohino masara ko nihinoaikaua.

Galatia 3:4

De done sarakia hiadono ngini ma oraha naa de hatoli nirehenoka? Angamoi ngini nengokadauinohi de idadioka ma ngoe abe inihikangela nginika abe ma titi o Abari ma Rorahaiika niangaku. Masara nako ma oraha naa de nimahipipidili nia ngongakuino, gea de ahao nia kangela ma hasili ma dihira gea ka parahaja dika. Ho ngohi tonganono ufa nia ngongaku gea niaumo!

1 Samuele 2:32

Ngona ahao de ani daleana namake o Isiraele ma nyawa utu abe Ngohi tagopoa ma hiowa ma ngoe onanguku masara hokogenangua todiai to ngona ani famika de angamoi ka imahikauku ko moiokaua onangoka abe yamake manga wowango ma dekana o duniaka.

1 Samuele 26:16

Ngona ani tagongo gea marai nao duru ko irahaiua, e? Ho ngohi ahi demo naa duru tagou-goungu, abe Ma Jou o Yawe ai himangoka de ngohi tato ngona de ani nyawa koaho inihohonenge dika ma titi ko nigoanua nia baluhu de nia koano, una abe Ma Jou wigoraka la winihikoano nginika! De naa abeika ngona nomalega arihonongaika. O kiaikaka ani koano ai kuama de ai akere ma boto abe kanganoino naga duru ai pea ma datekoka?” Hokogea o Dautu ai demo o Abanerika.