1 Kokoano 2:25 - Ma Jou ai Demo-demo o Totobelohoka

²⁵ Hokogea o Saloomo ai koboto ma demo, de wotemo ipahaino de ahao wihuloko ai nyawa o Benaya la una woiki wihohowono o Adonia de o hohonenge. De gea igoungu abe una ka dau de woiki wihohonenge o Adonia.

1 Kokoano 2:25 ပူးပေါင်းရင်းမြစ်များ

2 Samuele 1:15

De witemo ipaha de ahao o Dautu wiahoko ai tentara ma nyawa womatengo de wihuloko wato, “Naino la nihohonenge dika o nauru naa!” De ma tentara gea woboaino de ka witopoko unangika ho wohonenge.

2 Samuele 12:10

Mangale ma titi ani howono gea nodiai itorou hiadono ahao ani ngofa-ngofakuku de ka hiadono ani totoforauku ahao naga manga honenge itorou hoka o Uriali ai honenge ma modorou. De ahao idadi angamoi ngona ko nohihingounua Ngohino de angamoi o Uria ngoi fekata nomahitongona.’

2 Samuele 4:12

De o Dautu wataere ipahaino de ahao wahuloko ai tentara ma nyawa la yahohonenge ona yahinootoika. De yahohonenge ibooto de ahao manga giama de manga lou yakokiafokoka, de ipahaino manga badanga yadideuku o Heborono ma taaga ma digi-digino. Masara nako o Isibosete ai pea gea yaoika de yalungunu o Abanera ai lungunoka.

2 Samuele 8:18

De nagali o Benaya o Yoyada ai ngofaka, una gea o Dautu ai gogoana ma nyawa manga hidimono. De nako o Dautu ai ngofa-ngofaka o nauru onangoo yodadi manga hidemo ma nyawa Ma Jouiye.

1 Kokoano 2:29

De ahao o nyawa iwihioriki ai datoro gea de iwihingahu manga koano o Saloomoika. Ho ka de ma koano woihenino ma abari gea de wihidingoto o Benaya genangika la ka idadi wihohonenge o Yoabika.

1 Kokoano 2:31

De ma demo gea ma koano woihene ho wopaluhu wato, “Nako to una ai hininga de ai demo hokogea, ka idadi ngona genangoka dika nihohonenge de ahao ai badanga naoika de nohilungunu. Angamoi ma dihiraino ma oraha wileleani ahi baba o Dautika de una ka watoma dika o nyawa manga ngoe abe manga howono ko iwa. Ho gea imaketero hoka ai datoro gea imahora ahi babaika de ngohinoo hiadono to ngomi mia romanga imiwea-weara ma titi ai datoro ma dorou gea. Ho naa ngohi tosanangi dika wohonenge la ibootohi mia romanga wawewedere.

1 Kokoano 2:34

De o Saloomo wotemo ipahaino de ahao o Benaya wosobo wigilioli o Yoabika de wihohonenge unangika. Wihohonenge ipaha de ahao o Yoaba ai honenge gea yao doka ai tauika o tonaka ma homoaka de genangoka iwilungunu.

1 Kokoano 2:46

De o Saloomo wohibobaha ai demo gea de ahao wihuloko o Benayaika la una wiao o Simei ma hoanika de wihohonenge genangoka. De o Benaya wihingounu ai koano ho idadi hokogea. De gea o Saloomo ai kokawaaha mata-mata naga manga horomati ma amoko manga koanoika hiadono ai kuaha onangika duru ko idomo-domoua.

Hihira 15:12

Ai demo gea yoihene de ahao ona yomahingahu unangika, ato, “Simsono, hokonaa hiadono ngomi miboa minitutumu, ngomi miboa la minipakiti dika la ka idadi miniao de minihidoaka o Filistina ma nyawa manga giamika.” De o Simsono wapaluhu onangika wato, “Ahi gogianongoru nako gea ka idadi. Masara nako ngohi tohupu nginika kiani ngini nihira nihihibehehongo ngohino niato ko nginiua abe ahao nihitoma.”

1 Samuele 15:33

Masara o Samuele witemo unangika wato, “Naa idadi ngonaika duru imaketero hoka ngona ma ngoe nodiai o nyawaika. Abe de to ngona ani humaranga o ngo-ngofeka manga ngofa-ngofaka o nau-nauru nahihihanga ko manga ngoe de duru imaketero hokogea ngohi naa to ngona ngoni meme ami ngofaka tihihihanga.” Ka de hokogea o Samuele wotemo ibooto de ahao o humaranga wagoraka de o Agaga gea witobi-tobikuku Ma Jou o Yawe ai himangoka o Gigaloka.