1 Kokoano 2:1 - Ma Jou ai Demo-demo o Totobelohoka

¹ De o Dautu ai gahe itigioka, ho wiahokino ai ngofaka o Saloomo de wihibehehongo unangika.

1 Kokoano 2:1 ပူးပေါင်းရင်းမြစ်များ

Dodadi 47:29

De ka de wohioriki itigioka ai gahe wohonenge de o Yakubu wibehehongo ai ngofaka o Yusupu la woboa. De wihingahu unangika wato, “Ahi ngofaka o Yusupu, nako noigo nohihisanangi ani babaika kiani nagou-goungu nohihibehehongo ngohino abe ahi gogahoko naa ma baha ngonaika nodiai. De gea togahoko la ahi honenge ufa nohilungunu o Mesiiri ma tonakoka.

2 Samuele 7:12

Ho ma oraha ngona nohonengoka de inihitoomuika de ani totofora manga lungunoka de ahao naga ani ngofaka womatengo wodadi ani duruuru o koano abe una duru de ai kuahaka. De Ngohi todiai la una de ona abe wahikoano duru de manga buturungoka.

1 Kokoano 1:53

De o Saloomo wotemo ipahaino de ahao wahidingoto ai nyawa yamuruono naga o huhuba ma ngiika la iwile o Adonia gea de iwiao ma koano ai himangino. Ho una woboa de womamotumuku ma koano o Saloomo ai himangoka. De ahao ma koano witemo unangika wato, “Ngona ka idadi nolio dika ani tauika.”

1 Tawari 22:6

De ahao o Dautu ai ngofaka o Saloomo wiahokino de wihibehehongo unangika la wohigoko o tau moi abe Ma Jou o Yawe, o Isiraele ma nyawa manga Jou, ka idadi wogogere ma goronaka.

Gegetongo 27:19

De ahao o Yosua gea niao o Eleasarika, abe una nia hidemo Ngohino, la una ahao o Yosua witingaka ai karajaangika abe una wodadioka o Isiraele ma nyawa manga hihira. De gea kiani o Eleasara wodiai duru o Isiraele ma nyawa manga doomu ma amokika manga himangoka.

Higalioli 3:28

Masara gea kiani o Yosua unangoli ngona nigorakiye la wonituruuru. Ho unangika ngona kiani nihigaro de nihiputurungu ai hiningaika. Angamoi una gea ahao wahihira-hira o Isiraele ma nyawa la yomahihora doka ma akere ma honongaika. De unangoo abe ahao wahidoaka ma tonaka mata-mata gea onangika la idadi to ona manga oara ma tonaka.’ Hokogea Ma Jou ai demo ngohino ma dodihiraka gea.

Higalioli 31:14

De ipahaino de Ma Jou o Yawe wotemo o Musaika wato, “Abeika, naa itigioka ani wowango ma baha. Ho ngona kiani nibehehongo o Yosua la una woboaino, de ahao ngini inihinooto ka idadi niwohamika o Hikamake ma Tau ma goronaika. De genangoka ngini de Ngohi homarihimanga la ka idadi o Yosua tihitagongo de ai karajaanga.” Ho ona yahinooto yoiki yomarihimanga de Ma Jou ma tau gea ma goronaka.

Higalioli 31:23

De ahao Ma Jou wigoraka o Yosua, o Nuunu ai ngofaka gea, de wihitagongo de ai karajaanga. De gea Una witemo o Yosuaika wato, “Ngonaika tonihigaro tato irahai nomaputuhu la naga de ani buturungoka de nomahidomoroini dika! Angamoi ngona kiani nahihira-hira ani gogianongoru mata-mata o Isiraele ma nyawa naa la nimakutono niwohama ma tonakika gea abe Ngohi tahibehehongo nia totoforaika tato ahao tahidoaka onangika. De ma oraha ngini niwohamika de Ngohi tininii-niiki nginika.”

Higalioli 33:1

Masara ko wopahauahi de Ma Jou ai uru ma dodofanga o Musa wahiowa o Isiraele ma nyawaika. De hokonaa to una ai hiowa ma demo onangika, wato,

1 Timotiusu 1:18

Ahi ngofaka o Timotiusu, ahi gogahoko ngonaika abe totulihi ahi hurata ma goronaka naa, gea idadioka ahi behehongo ngonaika. De ahi behehongo gea duru imakiniiki de ma himatoko ma demo abe ma dihira o gareja ma hihira yamake Ma Jouoka de aino abe ma titi ngona. Abe ma demo gea yamake Unangoka de aino de ahao ona ihidemo nginika. De naa tonihihohininga ma titi ma himatoko gea la tato tonihigaro ma totiaiika. Abe nako ka ihikaika nomahohininga de naniiki ma himatoko ma demo Ma Jouoka de aino gea, gea ahao inihiputurungu la ka nakunu ma dorouika nalawana. Abe gea ngade-ngade imaketero hoka ma himatoko ma demo gea idadioka ani dae moi la ka nolaku ma oraha naparangi ma dorouika.

1 Timotiusu 6:13

De naa ngohi tonihibehehongo Ma Jou ai himangoka, abe o kia dika naga iwango de Una gea to ena ma wowango wohidoaka enangika. De tonihibehehongo o Yesusu Kristusoo ai himangoka, abe Unangoo ai demo duru igoungu nengokadau ma oraha o Pilatusu wihimanga. Ho hokonaa tonihibehehongo.

2 Timotiusu 4:1

De naa ngohi duru tonihibehehongo ngonaika Ma Jou ai himangoka de o Yesusu Kristusoo ai himangoka. De tonihihohininga abe o Yesusu Kristusu Una gea ahao woboali de Una ahao wonatailako ngone homoi-homoiika nanga datoro, de gea ngaro ngone hohonengoka eko ngaro ka howangohi ma oraha gea, masara gea ngone mata-mata ahao wonatailako nanga datoro. De gea woboali de ahao o dunia mata-mataika wahikoano. Ho gea ma titi hiadono ngona kiani naniiki ahi behehongo ma demo naa ngonaika. De hokonaa ahi behehongo.

2 Timotiusu 4:6

De hokogea tonihibehehongoka ngonaika angamoi ngohi naa duru itigioka ahi oraha abe o dunia naa tanoaka. De ahi hohonenge gea tohiketero tato ahao idadi to ngohi ahi wowango ma huhuba duru ma baha Ma Jouika. Abe naa ma dekanino ahi wowango ma karajaanga tomahihubaka Unangiye, de naa ahao ahi badangoo tomahihuba de tomahidoaka Unangika.