1 Kokoano 19:20 - Ma Jou ai Demo-demo o Totobelohoka

²⁰ De o Elisa wohioriki o Elia ai dodunguu ma titi abe wihitunguu unangika ho womapopaata o Elia winiiki de widaene de witemo unangika, wato, “Ahi baluhu, togahoko nohihigunoa la toliohi ahi tauika iti ngohi meme de ahi baba tabounohi de tomahilooa onangika de ahao ka idadi toniniiki tonidodiawo.” Hokogea o Elisa womagahoko. De o Elia wopaluhu wato, “Ka idadi ngona nolio! De gea ngona kiani duru nomafikiri abe tonihitunguuoka ngonaika.” Hokogea o Elia wihibehehongo.

1 Kokoano 19:20 ပူးပေါင်းရင်းမြစ်များ

Dodadi 31:28

De ko tomahidaenua ngohi ora tabounu de ahi danongoo ma toigo takokibounokahi de ahao ka idadi tinihigunoa niloiki. De ngaro ngohi tahibehehongo yomahidodiai o ngekomika ma, ngona ko nohihigunoaua. Ngona nodiai itorou imakadaene abe hoka ko nososawarouahi!

Matiusu 19:27

De ahao o Peturusu wotemo o Yesusika wato, “Ho abeika ngomi naa angamoi ko mikayaua. Mata-mata mianoaka la ka ihikaika mininiiki Ngona! Ho done hokokia to ngomi mia utumu miamake?”

Matiusu 4:20

Ho ka de wahoko ibooto de manga homa gea yanoaika de o Yesusu iwiniikoka.

Matiusu 4:22

Ho ka de Una wahoko onangika de manga ngotiri yanoaika de manga babaoo ka iwidogunoaika la o Yesusoli iwiniiki.

Matiusu 9:9

De genangoka de o Yesusu de iwinii-niiki ona yosobo de manga dodagi ma goronaka de Una wimake womatengo ai romanga o Matiusu. De to una ai karajaanga wotobagaho-gahoko o pajaka ma tiwi, ho gea o Yesusu wimake wogogeruku o pajaka yogaho-gahoko ma tau ma ngioka. De ahao o Yesusu wiahoko unangika wato, “Naino la nohiniiki Ngohi.” Ka de hokogea wotemo de o Matiusu womaoko de o Yesusu winiikoka.

Hidingoto 20:37

De ona mata-mata duru yoari ma titi kiani yomakitingaka de una, de iwikokikooino de iwibounu la manga dora unangika yomahimatoko.