1 Kokoano 19:12 - Ma Jou ai Demo-demo o Totobelohoka

¹² De o dunia ikelu-kelu ipaha de ahao naga o uku itoka-tokara o Elia ai himangoka de o Elia womadohuku o aruku ma goronaika masara Ma Jou o Yawe, Una ko iwiwa o uku ma dokara ma goronaka gea. De o uku itoka-tokara ipaha de ahao naga o ilingi duru ma hohutuliye woihene hoka o huhudu ma ilingi ho duru ma hutu ma hutuiye.

1 Kokoano 19:12 ပူးပေါင်းရင်းမြစ်များ

Dodadi 15:17

De ipaha o wange itumunoka de yofutuoka de ahao o Abaraama wamake iboaino o uku ma ngi hoka o haharongo. De ma ngi ma goronaka naga ma uku ho de ma nofoka. De daku ma ngi ma lokuino naga ma hapongo, de genangino o uku ma dokara ihupu hoka o oboro idadi. De o uku ma ngi gea ena dika ma hirete ahao itagi o aewani ma bela-belaka ma hidogoronaino.

1 Kokoano 18:38

De ahao ka itodokanino Ma Jou o Yawe ai uku wohiguti o Elia ai huhubauku gea kohahauku de yatufuku ma huhuba gea mata-mata. Ho o hapi ma roehe abe yomahihuba, de o huhuba ma gota, de ma hakaru, de hiadono naga ma tonakoo abe naga o huhuba ma ngi ma timiuku, gea ena mata-mata ka ma moi youkuoka ka hiadono duru itinoka. De Ma Jou ai uku ma dokara yoguti o akere ma baituku hiadono yodudungoka.

2 Kokoano 1:10

De o Elia wipaluhu wato, “Ngona nagoungu abe ngohi naa Ma Jou ai uru ma dodofanga. De mangale ma titi naga ahi kuaha Unangoka ho naa togahoko la naga o uku ma dokara yoguti daku ma dihangoka de auku nginiuku de inihibinaaha ngona de ani tentara mata-mataika!” De ka de wotemo ipaha de o uku ma dokara yoguti onanguku de yokokihonengoka.

2 Kokoano 2:11

De gea yogila-gila o Elia de o Elisa yotagi yomakiniiki de yomakoketemo de ka itodokanino naga imahimatoko onangika o goroba abe atauru de o kuda muruono naga de ena mata-mata Ma Jou wohidadi o uku ma dokarino! De o goroba gea iuti yahinootouku gea de iboa duru manga hidogoronaino de yahikatingaka! De ka itodokanino naga o hidaloko ma gilioro enangoo iuti o Eliauku de iwihigororomo, de iwihigilolitino, de iwigoraka daku o Horogaiye.

Huhupu 3:2

De genangoka Ma Jou o Yawe ai malaekata womahimatoko o Musaika ma rupa hoka o uku itoka-tokara o gota moi ma dodipokouku ma goronaka. De o Musa iwitodokana hiadono wodamaanoka genangika de duru woheranga angamoi ngaro o gota gea itoka-tokara hoka youkuika masara ko youkua.

Huhupu 34:6

De witilakuru o Musa ai himangino de o lobi gea de womahingahu-ngahu wato, “Ngohi Ma Jou o Yawe, Ngohi Ma Jou o Yawe abe duru ahi hiokoo itagi ahi nyawaika hiadono duru toigo taduhunu. De to Ngohi ahi dora gea ngaro ufa dika o nyawa yomaija angamoi Ngohi tahidoaka dika. Ngohi Ma Jou abe ko itai-taitua ahi hininga yatohata o nyawaika. Ngohi Ma Jou abe duru kohaamoko ahi dora itagi o nyawaika. De mata-mata Ngohi Ma Jou tohibehehongoka tato todiai gea ahao todiai.

Sakaria 4:6

Ho una wohitararono ngohino wato, “Gea ena ihitunguu Ma Jou o Yawe ai Demo abe wihingahu o Serubabelika o hiketero abe ma titi ai karajaanga ma oraha wodiai Ma Jou ai Tau. Abe Ma Jou wato, ‘Ahao idadi ko ma titiua o buturungino, de hokogenangoli ko ma titiua o kuahaino de idadi. Masara gea ahao idadi de duru ihititi to Ngohi ahi Womahino dika.’ De hokogea Ma Jou o Yawe abe duru Wokokurutiye wotemo.”

Hidingoto 2:2

De ka itodokanino de naga yoihene o Horogauku ma ruruhu moi abe imaketero hoka o rato duru ma amoko iboa dakuino. De ma ruruhu gea naga ma tau ma goronaka ho ma ngi abe o kiaka yomatoomuino gea duru aomangoka de ma ilingi.

Higalioli 4:15

De o Musa wahitiari o Isiraele ma nyawaika wato, “Ngini kiani duru nimahidodiai de nimagoana done niawohangika to Ma Jou ai behehongo. Angamoi ma dihiraino gea abe o Sinai ma lokuoka de Ma Jou o Yawe winitemo-temo o uku ma goronaka de aino de duru ko niamakeua to Una ai rupa o kia dika.

Higalioli 4:33

Eko sarakia, ma moiokau idadi o nyawa utuika abe ona yoihene Ma Jou ai ilingi ihupu o uku ma goronaino hoka nginioli ma dihiraino niiehene ai ilingi? Marai duru ko iwa, e? De ngaro ngini niihene ai ilingi hokogea masara ko nihonengua!

Ibarani 12:29

Angamoi duru igoungu abe nako ma oraha nanga Jou wahohowono o nyawaika de ai hohowono gea imaketero hoka o uku moi duru kohaamoko abe yahibinaaha mata-mataika abe adaene enangika. Ho gea hiadono tonahigaro tato irahai ngone naa hasoino Ma Jou ai hininga ma owa ngoneino.