1 Kokoano 18:44 - Ma Jou ai Demo-demo o Totobelohoka

⁴⁴ De ahao ma tumidoka wigilio o Eliaino de wihingahu, wato, “De ahao naa de tamake o lobi moi duru ma eteteke abe ma rupa hoka o nyawa manga giama dika ma amoko de daukiye idoa o gahi ma lokuino.” Ka de wihingahu hokogea de o Elia wihulokoli wato, “Ho naa kiani nouti nihingahu o Ahabika de hokonaa ahi hingahu unangika nadofanga, nato, ‘Ahi koano, jai-jai dika de o awana iboaka ho ngona kiani duru nomataiti ani kuda ihikokipasi ani gorobaika de nosobo nolio done inihidatatoko de o awana koharikimi de done ka hiadono ko idadiua nomahiadono ani tauika.’” Hokogea o Elia wihuloko de ai gilaongo ka wosoboka.

1 Kokoano 18:44 ပူးပေါင်းရင်းမြစ်များ

1 Kokoano 18:43

De naga o Elia ai gilaongo abe winiiki de ahao o Elia wihibehehongo unangika wato, “De naa ngona noiki la ka idadi nolega dai o gahioko natailako nako naga o lobi.” Ho ai gilaongo woiki wolega de ahao wigilio o Eliaika de wihingahu unangika wato, “Ko kia-kiaua tamake dai o dihangoka.” Hokogea wopaluhu de o Elia wihuloko la woikoli daioko de wolega. Ho ma moioli woiki masara ko iwa o lobi wamake. Hokogea o Elia wihuloko ai gilaongika ma tumidi.

Sakaria 4:10

De gea koaho ufa ngini niahitipokouku o karajaanga naa abe niato ma karajaanga ko kia-kiauahi, angamoi Ma Jou o Yawe duru wogarago wamake de ai lako o Serubabele ai karajaanga abe ahao womulaenge wodiai. De gea ma titi Ma Jou o Yawe ai lako tumidino abe ka ihikaika wolega-lega o dunia ma amokika.

Lukasa 12:54

De ahao o Yesusu wotemo o nyawa yowoe-woeika wato, “Ngini naa ka idadi nihioriki ma dodunguu abe daku o hoanino ma rupa niamake de gea nihioriki abe ma titi hokokia. Abe nako nimalega dinaiha de niamake o lobi imatoomu de ma ngele itagi, gea nihiorikoka ma titi ho niato, ‘Bootino o awana.’ De gea duru niagoungu.

1 Samuele 6:10

Ho ahao manga hiaturu gea o Filistina ma nyawa yaniiki duru imaketero hoka yotemoka. O hapi ma beka hinooto abe de ma ngofaka duru ma gilauohi yaleino de ahao o goroba ma hungi ihipasanga o hapi ma beka hinootoika gea, de to ena ma ngofaka hinooto gea yakurunga o kurungaka.

1 Samuele 6:7

De ahao ona yogila-gila yahingahu ma hiaturu utuohi abe kiani yaniiki, ato, “Ho gea mata-mata niahidiai ibooto de ahao kiani nidiai o goroba moi duru ma hungi de niolingiri o hapi ma beka hinooto abe ko ma moiuahi o goroba itauru. De kiani o hapi ma beka gea imangofakoka ho nagau ma hapi ma ngofaka. De o hapi ma ngofaka hinooto gea niatingakika de ma ayo ho ma ngofaka hinooto niokurungaika o kurungaka.