1 Kokoano 18:31 - Ma Jou ai Demo-demo o Totobelohoka

³¹ Ho o Elia waleino o hakaru ngimoi de hinooto la wohitunguu de o Isiraele ma nyawa manga dutu yangimoi de yahinooto abe yomaboa o Yakubino. O Yakubu una gea abe ma dihira Ma Jou witemoka wato, “Ani romanga taturuuruoka ho naa tonihiromangoli o Isiraele.”

1 Kokoano 18:31 ပူးပေါင်းရင်းမြစ်များ

Dodadi 32:28

Ho gea wihingahu wato, “De naa tonihingahu ngona ani romanga ko o Yakubokaua masara naa tonihiromangoli o Isiraele ma titi nimaketeribuutu de Ma Jou angamoi ngona duru noputurungu hiadono ngaro de Ma Jou ma, nimaketeribuutu. De ngaro nimaketeribuutu de o nyawa, ma, mata-mataika ka ngonahi nolaku.”

Dodadi 32:29

Hokogea wotemo ibooto de ahao o Yakuboli wotemo wato, “De ngohi duru togahoko la ngonaoo ani romanga nohihingahu.” De una gea wipaluhu wato, “O kia ma titi ho hiadono ahi romanga nohileha?” Masara ka de hokogea wotemo de ahao ma owa wihibehehongo o Yakubika.

Dodadi 33:20

De genangoka o Yakubu womadiai o huhuba ma ngi abe wahiromanga o El Elohe Isiraele. De ma titi yapake yomahuba-huba Ma Jouika abe Una o Isiraele manga Jouika.

Dodadi 35:10

Abe wihingahu unangika wato, “Ngona naa ani romanga o Yakubu masara naa taturuuruoka. Ho ani romanga ko o Yakubokaua angamoi tonihiromangoli o Isiraele. Ho naa de ka ihikaika o nyawa inifetongo o Isiraele.”

Esara 6:17

De gea Ma Jou ai Tau iwidingakoka Unangika de manga huhuba ma ngoe. Abe yahihuba o hapi ma nauru ma goohi o ratuhu moi, de o domba ma nauru ma baluhu o ratuhu hinooto, de o domba ma ngofaka o ratuhu iata. De ahao naga manga huhuba la manga howono yatamunu o Isiraele ma nyawa manga dutu yangimoi de yahinooto homoi-homoiika. Ho manga huhuba o kabingi ma nauru enangoo ngimoi de hinooto la ihitamunu o Isiraele ma nyawa manga howono mata-mata abe manga dutu yangimoi de yahinooto manga howono.

Huhupu 24:4

De ahao o Musa wotulihuku Ma Jou o Yawe ai demo mata-mata gea abe Una wahingahuoka. De ma dawangeino duru o ngoru-ngorumino o Musa wodiai o huhuba ma ngi o loku ma lifunoka de genangoka waleino o hakaru ma guru-gurutu ngimoi de hinooto. De ma hakaru gea wahigokoiye la gea ena idadi o dodunguu ma liate ngimoi de hinooto abe ihitunguu o Isiraele ma nyawa manga dutu ngimoi de hinooto.

Efesusu 2:20

De naa ka idadi tonahiketero ngone mata-mata tato ngone hoka o tau moi abe Ma Jou Una ma hirete womaatau la wato idadi to Una ai ngi abe watingakoka Unangino. De gea ka idadi hohiketero hato nako Ma Jou ai tau ma lifunu abe duru ihira yakelengauku dau ma tonakuku, de gea o Yesusu Kristusu Una ma hirete wodadi hoka ma tau ma lifunu ihira. De nako ma tau ma lifunu utu, nagali ona o hidingoto ma nyawa abe yahingahu-ngahu ai Abari ma Rorahai o nyawa utuika, de ona utu naga abe ihitobademo Ma Jou ai Demo-demo manga gogianongoruika. De ona o doomu hinooto gea ka idadi hahiketero abe hoka Ma Jou ai tau ma lifunu abe ihitoturuino yakelengauku, angamoi ona gea iwihidoduruino nanga Baluhu.

Yosua 4:20

De o Gigaloka gea o Yosua ma hakaru ngimoi de hinooto abe yagoraka ma akerino gea watatoro o tonakoka la idadi o hohininga ma dodunguu.

Himatoko 21:12

De ma kota gea ihigilolitino de ma dadaduhu abe duru ma ngoatika de duru kohagurutiye. De ma dadaduhoka gea naga ma ngorana ngimoi de hinooto, de ma ngorana amomoiika naga o malaekata womatengo la woogoana de nagali o romanga homoi-homoiika ihitulihika ma ngoranoka. De ma roma-romanga gea o Isiraele ai ngofa-ngofaka yangimoi de yahinootoino manga romanga abe ona yodadioka o dutu homoi-homoiika.