1 Kokoano 18:20 - Ma Jou ai Demo-demo o Totobelohoka

²⁰ Ho o Ahaba wolio ai tauika de wahidingoto o nyawa la ona yahingahu o Isiraele ma nyawa mata-mataika hoka o Elia wihibehehongoka. Ho ahao abe ma oraha yadonoka ona yomakutuono de ona abe yotobahuba-huba o pangao o Baalika de ona mata-mata yomakiniiki yodoa o Karamele ma lokuiye de ahao yomatoomuino o Karamele ma loku ma tubuoka.

1 Kokoano 18:20 ပူးပေါင်းရင်းမြစ်များ

1 Kokoano 18:19

Ho ngohi naa toboa tato, ngona kiani nahoko o Isiraele ma nyawa mata-mataika la yomatoomuino de ahao yoboa ihibuhukino daku o Karamele ma lokuoka. De ona yotobaleleani nia pangao o Baala abe yaratuhu iata de yamoritoa gea, kiani onangoo yongodumu nakokiao o Karamele ma lokuino. De nia pangao o ngo Asera, de ona abe yotobaleleani manga pangao gea yaratuhu iata biaha ona yolo-olomo ngoni fekata o ngo Isebele ami tauoka, gea onangoo nakokiaoino ma oraha nikokidoa o Karamele ma loku ma tubuino.” Hokogea o Elia wihibehehongo o Ahabika.

1 Kokoano 18:21

Ka de yomatoomuinoka de ahao o Elia wakokihimanga de wataere onangika wato, “O Isiraele ma nyawa, hokokia ma dekanohi nia hininga hinootohi abe ma moi ma moi niato niwiniiki Ma Jou o Yawe de ma moi ma moi nihikokasapuru nimahuba o pangaoika. Ho ngini kiani nimaputuhu nimahuba-huba onagonaika! Nako Ma Jou o Yawe gea Una igoungu ti ngini nia Jou, kiani niwiniiki ka Una dika. Masara nako niato o Baala gea ti ngini nia jou, gea ena dika nianiiki.” Hokogea o Elia ai demo. Masara o Isiraele ma nyawa abe yomatoomuino genangoka duru yomarii-riidoka dika.

1 Kokoano 18:42

Ho o Ahaba woiki la wolomo de wokere, masara o Elia wodoali o Karamele ma lokuiye de watilabukuku o tonakuku de womaponuku ka hiadono ai himanga ai buku hinooto ma hidogoronaka de womaniata.

1 Kokoano 22:6

Ho o Ahaba wahokino o uru ma dodofanga yaratuhu iata de waleha onangika wato, “Koaho irahai hoiki haparangi o Ramoto-Gileada ma kotaika eko ngaro ufa dika?” De ona yopaluhu ato, “Ngini niaparangi dika onangika! Angamoi Una Wokokurutiye ahao wahidoaka ma kota gea ani giamika.”

1 Kokoano 22:9

De o Ahaba wibehehongo ai duduhunu womatengo, ho woboaino de ahao ma koano wihuloko unangika wato, “Nomataiti noiki nileino o Mika abe o Yimala ai ngofaka.”

2 Kokoano 2:25

De ahao o Elisa wogila-gila wotagi-tagi o Karamele ma lokuika de ipahainoli una wolioli o Samaria ma kotaika.