1 Kokoano 18:18 - Ma Jou ai Demo-demo o Totobelohoka

¹⁸ De o Elia wipaluhu o koanoika gea wato, “Duru gea ko ngohiua tahikangela abe o Isiraele ma nyawa! Masara abe to ngona ani baba de to una ai dutu, gea ngini abe niahikangelaka o Isiraele ma nyawa. Ngini naa Ma Jou ai behehongo niaolukuoka de o Isiraele ma nyawa niahirehenoka ti ngini nia popangaoika, abe nimatoomuika de o Baala ma romangika gea.

1 Kokoano 18:18 ပူးပေါင်းရင်းမြစ်များ

1 Kokoano 16:31

De ai wowango ma datoro imakiniiki hoka o Yerobeama ai datoro ma modorou. De una woilaka de momatengo ami romanga o ngo Isebele abe munangoo duru o nyawa ma dorou ho ka de muna womile de to una ai dorou ka womahidogo dika. Muna gea o Sidono ma nyawa abe ami baba o Etabaala de una wahikoano o Sidono ma nyawa. De o ngo Isebele momahuba o pangao o Baalika ho yoilaka ibooto de ko itedekanua de ami rokata o Ahaba unangoo womulaenge womahuba-huba o Baalika.

1 Kokoano 16:32

De abe ihira womahitaana wodiai abe walawana Ma Jou ai behehongika, una o Samaria ma kota ma goronaka wohigoko o Baala ma huhuba ma tau de to ena ma huhuba iharo-harongo ma ngi.

1 Kokoano 21:25

De nako o Ahaba ai wowango ma datoro ihikohowono de o nyawa utu, ka unangohi abe duru womafukunoka o howo-howonika abe duru ai datoro itorou Ma Jou o Yawe ai himangoka de angamoi ngoi fekata o ngo Isebele mihigaro o howonika.

1 Kokoano 21:26

De o Ahaba duru womahitaanoka kiani ai hohowono duru itubuho angamoi ai dula-dulaka duru ma dorou o popangaoika abe womahuba-huba imaketero hoka o Amori ma nyawa abe ma dihira yogogere o Isiraele ma tonakoka gea. De ona abe ma dihira gea Ma Jou waduhuokahi ma tonakino gea de ahao to Una ai nyawali wahingohama manga tonakika gea.

1 Kokoano 9:9

De ahao manga dodiawo marai yopaluhu ato, ‘Maraioka wohirusaka mangale ma titi o Isiraele ma nyawa iwiporete Unangika. Abe ngaro ma dihiraino de Una waduhunu de wahihupu o Mesiiri ma nyawa manga giamoka de yaino masara ipahaino de o jou-jou ma homoa yomahijou enangika hiadono yaleleani de yomahihuba-huba o jou utuoli gea. Ho duru ma titi gea ena ho hiadono Ma Jou o Yawe wahihohowono ai nyawaika hokonaa.’” Hokogea Ma Jou ai hingahu ma demo o Saloomoika ma oraha womahimatoko unangika.

Sosawaro 28:4

O nyawa abe yoluku yaniiki Ma Jou ai Pareta, ona gea yomahiketehiningamoioka de ona abe manga datoro itobatorou. Masara o nyawa abe yatobaniiki to Una ai Paretaika, ona ka ihikaika yalawana o dorou ma nyawaika.

Sosawaro 5:22

De gea ma titi o nyawa manga howono idadi to ona manga dadaoko! Angamoi manga hafini o howonika gea duru imaketero hoka o modoi ma liliko abe o nyawa yaliko de yatumungu genangoka.

Hidingoto 24:13

De gea ma titi hiadono ngohi tato to ona gea manga dadae ma demo ngohino ka o homoa ma demo dika, de ona duru ko idadiua yomahitaana abe manga demoino de yagou-goungu, angamoi gea yoeluku dika.

Hidingoto 24:20

De ipahaino de ihiao to ngomi o Yahudi ma nyawa mia hihira manga doomuika la ona ihileha-leha ma titi hokokia idadioka. De ngaro ona mia hihira gea masara ona ko yamakeua ahi howono o kia dika ngohioka! De abe ma titi gea, ngona ahi baluhu ka idadi naleha onangika gea abe ihitae-tae angamoi onangoo naga nanga doomuoka o wange naa, de onangoo ihioriki abe ko yamakeua o howono ngohioka!

Higalioli 31:16

Womahimatoko de ahao Una witemo o Musaika wato, “Ngona naa enohonenge, de ngona nopahaka de ahao o Isiraele ma nyawa naa yomulaenge yomahirehene la ka yanii-niikoli o jou-jou ma homoaika. Abe ona ahao yowohamika ma tonakika gea de ipahaino de yomahijou o nyawa utu genangoka manga jouika. De gea ona ahao ihioluku Ngohi de ka yawohangika ahi behehongo ma demo abe ma dihiraino de mimahiketehibehehongoka ona de Ngohi.

1 Samuele 14:29

De ma demo gea woihene de o Yonatana wipaluhu wato, “Adoo! Ahi baba ai hikoboto ma demoino gea de ka wonahihuha dika. Abeika ngohi naa, angamoi kangano taolomo ma inomo ma hohutulu gea de ihihiwangoroka, ho duru ihiduhunu.