1 Kokoano 17:6 - Ma Jou ai Demo-demo o Totobelohoka

⁶ De ahao o wange-wangeiye naga o wogono muruono naga iboa o Eliaino o ngorumino de o bimaowaka abe naa iwidotakino o roti de o roehe. De o Elia wokere o Keriiti ma ngairino gea.

1 Kokoano 17:6 ပူးပေါင်းရင်းမြစ်များ

1 Kokoano 13:28

De una wosobo woiki hiadono wamake ai dodiawo gea ai honenge ma ngekomoka, de ka nagahi ma keledai de ma singa imaokoino gea ma datekoka. De barikua ma singa gea itobaolomo o roehe masara ko aolomua una gea ai honenge de ko abaatua ma keledaiika.

1 Kokoano 17:5

Ho Ma Jou o Yawe ai behehongo gea o Elia wihingounu ho woiki o Keriiti ma akerika abe ena o Yorodani ma akere ma ngairi ma jaga doka o wange ma hiwariha ma honongaka de genangoka womahidodogumu o Elia.

1 Kokoano 17:7

Masara ka de uku de o Keriiti ma ngairi gea ena iowahoka ho ko iwaka ma akere, ma titi ko iawanuahi ma tonakoka gea.

1 Kokoano 19:6

De o Elia womatodokana de womalega arihononga de naga wamake o roti ai datekoka ka ma hau-haukohi o hakaru ma baka-baka ma lokuoka de o boto moi aomanga de o akere! De una wolomo de wokere ibooto de womaiduokali.

1 Kokoano 19:8

Ho o Elia womomiki wolomoli de wokeroli. De ai inomo duru iwihiputurungu hiadono wogila-gila wotagi-tagi o wange moruatino de o futu moruatino ma dekanino de una womahiadono Ma Jou ai lokuika abe ihiromanga o Sinai ma loku.

Higiriiri 33:18

Ho koaho ufa hawohanga abe ma titi nanga Jou o Yawe ai hininga ma lako, abe ka Una dika wonagoa-goana ngone onagona dika hitobanii-niiki Unangika. De Una gea wonaduhunu ngone abe homahinganono ai doraika abe ko ihoa-hoanua.

Higiriiri 37:19

Ho ngaro o kangela yamake masara yomatongohono dika, De ngaro o hiwara ikiriakaholi hiadono naga o hafini iboa, Masara manga inomo wahidailako hiadono ona yawedono.

Higiriiri 37:3

Kiani nimahinganono Ma Jou o Yaweika de nidiai ma rorahai, La gea niwango nisosanangi de nia gogere iriidi nia tonakoka,

Huhupu 16:35

De o Isiraele ma nyawa ahao manga dekana yotagi-tagi o tonaka ma kakaahaka gea manga taongo moruatino ma dekanino. De hokogea manga dekana yaolomo manga inomo o mana gea ka hiadono yowohama o Kanani ma tonakika abe genangoka naga o nyawa manga datomo ho o mana gea Ma Jou ko wapurarahokaua.

Gegetongo 11:23

De ahao Ma Jou o Yawe Unangoli wileha o Musaika, wato, “Ho sarakia Musa, ngona nato to Ngohi ahi buturungu de ma batingoka? Ahao naa de ngini duru nihikokioriki nako Ngohi tagou-goungu todiai o nyawaika hoka tohibehehongoka. Abe duru de ma oraha nenanga de Ngohi duru tagoungu tinihidailako o roehe gea imakadaene hoka tinihibehehongoka la duru ngini nihihioriki to Ngohi ahi kuaha mata-mataika yadaene. Abe ka de hokogea niamake de duru nihingaku Ngohino abe Ngohi tagou-goungu.” Hokogea Ma Jou wihingahu o Musaika.

Matiusu 19:26

De womalega onangika de wato, “Gea duru niagoungu. Nako o nyawa dika, duru ko yakunua, masara Ma Jou hokogenangua. Nako de Ma Jou, ngaro o kia dika, ma ka wakunu.”

Lukasa 22:35

De ahao o Yesusu waleha iwinii-niikika wato, “Ma dodihiraino ma oraha tinihidingoto la o Abari ma Rorahai niahingahu-ngahu de ma oraha gea naga nia kuranga? Abe ma dihiraino gea tinihibehehongo la ufa nia tiwi nia popojeuku nimagao, de ufa niao nia beta-beta abe biaha nia kiahonanga nihilulu genangino, de o sandaala ufa ma doduruuru nimagao. Ho nia dodagi gea de naga nia kuranga?” De ona yopaluhu ato, “Koua. Mia kuranga duru ko iwa.”

Ibarani 6:18

Ho gea Ma Jou wonahibehehongo ngoneino de abe ai behehongo ma demo wotemoka, de ahao wodogo de womafetongo to Una ma hirete ai romanga, la ngone naa ka idadi duru homahinganono ai behehongika de gea nanga hininga duru ko idomo-domoua. Angamoi Una gea ngaro ai behehongo ma demoka eko ngaro ai romangoka ma duru ko idadiua woeluku. Ho ngone to Una ai nyawa abe nanga hininga homoi-homoi imanoa Unangoka la ka idadi wonagoana, ngone naa ka idadi homahinganono ma titi to Una ai behehongika abe wonahibehehongoka ngoneino, de ka idadi hohioriki abe nanga nganganono ma hasili ahao hamake Unangino.

Hihira 14:14

De o Simsono wahingahu ai budi-budi ma demo abe hokonaa, wato, “Ena gea abe itobagoli la yolomo, ahao to ena ma goronaino iboa o inomo, de ena abe duru iputurungu, ahao naga ma muti-mutiti ihupu enangino.” Hokogea wahingahu ai dodiawoika yamoruange gea de ona duru yomalingiri ai budi-budi ma demo ma titi masara ngaro o wange hange ma dekana ma duru ka yopusingohi abe ma babaluhu ko yamakeuahi.