1 Kokoano 17:22 - Ma Jou ai Demo-demo o Totobelohoka

²² De Ma Jou o Yawe o Elia wigihene de o ngofaka gea ai womaha ilio unangika ho hiadono wowangokali.

1 Kokoano 17:22 ပူးပေါင်းရင်းမြစ်များ

1 Kokoano 17:23

De o Elia wigoraka witotiri wihiguti o tau ma goronauku de wihigilio ngoi meme ami giamika. De una wato, “Abeika hobata, ani ngofaka naa ka wowangokali!”

Lukasa 7:14

De ahao Una wogila-gila de wasoika manga momokuika abe ma honenge naga yakelenga to ena ma lokuoka. De ona abe yomaketeligoraka ma honenge ma momoku gea yomatogumoka ho ko yoagurokaua. De o Yesusu witemo wohone-honengika wato, “Goduuru, ngonaika tonihuloko la nomomikiye!”

Lukasa 8:54

De o Yesusu de ona yamuruono naga abe wahigunoa la yomakiniiki, ona yogila-gila de imitutumu ma ngofaka gea. De Una womiso ami giamika de womitemo de ai ilingi ma amokiye wato, “Ahi ngofaka, nomomikoka!”

Yohanese 11:43

Ho ka de ai gogahoko gea ipaha de o Yesusu duru waamo-amokiye wiahoko, wato, “Lasarusu nohupuino!”

Hidingoto 20:12

De ma goduuru gea o Yutikusu ai gogianongoru yamuruono naga iwile de iwiao la wolio ai tauika, de ona manga hiningaka de duru yalaruoka angamoi una ka wowangohi.

Roma 14:9

De to ngone nanga Baluhu idodutu o Kristusu, Una gea wohonenge de wowangokali la ka idadi genangino de wodadi nanga Baluhu idodutu. Abe ngaro yohone-honengoka eko ngaro ngone ka howangohi, masara Una wodadi to ngone mata-mata nanga Baluhu. Ho koaho ngone howango hototiai la ka idadi hihisanangi ka Unangika dika.

Higalioli 32:39

Ho naa abeika nimalega Ngohino la duru nihioriki Ngohi naa o Yawe! De duru ko iwa o jou utu yomakadaene hoka Ngohioli! Abe Ngohi dika ka idadi tahohonenge de tohiwango, de ka Ngohi dika takunu tahiodiri de ahao tahitogumoli. Nako hiadono ahi kuaha itagioka, moioo de ko iwa ka idadi ihitatoko eko ihilawana Ngohi.

Ibarani 11:35

De utuoli gea o ngo-ngofeka abe ma titi manga ngongakuino de manga dutu abe yohonengoka Ma Jou wahimomiki manga honengino la yowangoli. De masara naga Ma Jou ai nyawa utuoli abe mangale iwingaku Ma Jouika ho manga kangela hatoli ilamoko yaohana o dunia ma lokuino naa. Abe ona utu ma titi manga ngongaku hiadono o nyawa yahikangela de yahiodiri manga badangika ka hiadono yatoma. De ona gea tanu manga musu ka idadi yahihohe ona manga papakitino iti iwioluku Ma Jouika, masara ona yomangiriki o honenge dika la ato ahao ma oraha yomomikiye manga honengino de manga wowango ma hungi gea ka irahaioli.

Himatoko 11:11

Masara o futu hange de ma hononga gea ipahaino de ahao naga yangohama manga honengika o wowango ma womaha abe Ma Jouoka de aino iboa. De gea ka de yangohama manga badanga ma goronaika de ona yahinooto gea yomaokoiyeoli angamoi ona yowangokali. De o nyawa genangoka yamake abe gea idadioka de ona mata-mata duru yokokihawanaholi.

1 Samuele 2:6

Ma Jou o Yawe ka idadi o nyawa wahohonenge, De Una dika ka idadioo o nyawa wahiwango. Ka idadi o nyawa wahidingoto ona yohone-honenge ma ngiika, De ka idadioo ona wahigilioli o wowango ma ngiino.