1 Kokoano 17:10 - Ma Jou ai Demo-demo o Totobelohoka

¹⁰ Ho o Elia wosobo woiki o Sarafata ma kotaika gea. De ka de womahiadono o kota gea ma ngoranika de naga genangoka momatengo mofao de naga ami gota matoomuino abe ena gea o gota ma jaga duru ma hohumuduru. De o Elia womiahoko wato, “Hobata, ka idadi nohile de ani boto o akere ngaro ma hutulu dika la ngohi ka idadi tokere?”

1 Kokoano 17:10 ပူးပေါင်းရင်းမြစ်များ

Dodadi 21:15

Ka de manga akere yamataka de duru o ngo Hagara ami hininga ihuha de o Isimaele mifofongo o ruruubu moi ma timiuku.

Dodadi 24:17

De o Abarahaama ai duduhunu ka de womimake muna gea de womataiti womibuhuku de womagahoko munangika, wato, “Tomahilooa ma, ahi ngomaha yodudungu ho togahoko la nohihiokere, iti ani akere ma hohutulu dika nohihidoaka ani botoka.”

1 Kokoano 17:11

De muna gea mosobo mato mile ai akere gea, de o Elia womagahokoli munangika wato, “De hobata, nako ka idadi, iti ani roti ma belaka enangoo nohigaoino.”

Yohanese 4:7

De ona iwitobaniiki o Yesusu iwinoaika o humuokahi de ona yogila-gila o kapongika gea la ka idadi yomaija manga inomo. Ho ona yosoboka de ahao naga momatengo o Samaria ma ngofeka moboaino momahionoko. De o Yesusu womagahoko munangika wato, “Hobata, ka idadi ani akere nohiguhe la Ngohi tokere?”

2 Korintusu 11:27

De ngohi tomamaoka ahi karajaanga ma dubuho hiadono ahi badanga ma buturungu ko iwaka, de ma ngoe ihihidetebiniye hiadono o giooko ko tamakeua. De ma ngoe duru ihihafini de ahi ngomaha yodudungu, abe ahi inomo ko ihiwedonua ho ka tomatongohono dika ahi hafini ma goronaka. De nagali abe duru ihimaata angamoi ahi baju de ahi ngoere ko iwa la tomakorobitino.

Ibarani 11:37

De utuoli yahakaru onangika hiadono yohonenge, de utuoli manga badanga yahipelaka de o garagaji, de utuoli yahitoma de o humarangino, de utu duru yohuha abe ka ihikaika yomahinoauku de o domba eko o kabingi ma kaiino dika manga pakeanga. De ona gea duru ko kia-kiaua manga kiahonanga, de ka ihikaika o nyawa yahikangela onangika de yao duru ko irahaiua.