1 Kokoano 16:30 - Ma Jou ai Demo-demo o Totobelohoka

³⁰ Masara o Ahaboo duru wodiai itorouholi Ma Jou o Yawe ai himangoka, ho ngaro o kokoano abe yohira onangoo yodiai duru itorou masara o Ahaba ona mata-mata ka watilakuru de ai datoro ma dorou.

1 Kokoano 16:30 ပူးပေါင်းရင်းမြစ်များ

1 Kokoano 14:9

Ho Ma Jou o Yawe ai hohowono ma demo abe adaene o Yerobeamika wihidoakokau ai uru ma dodofangika. De wihuloko unangika la womihingahu o Yerobeama ngoi fekatika hokonaa, “Ma Jou ai demo ani rokatika abe ahao kiani ngona nadofanga unangika hokonaa. Ma Jou wotemo, wato, ‘Ngohi Ma Jou tonilega-lega ngona o Yerobeamika, de nako ngona de ona mata-mata abe yohira yahikoano ahi nyawa masara, ka ngonahi ani wowangoka nodiai itorou ilamokoholi. Ngona nomadiai to ngona ani popangao duru kohangoe de ani popangao utu o pahitaaka napake la ka idadi nodiai o gurasino de enangino abe ma dogowini hoka o behi. Hokogea o popangao utuohi iwoe ngona nodiai ho duru nahowono Ngohino de ahi ngamo duru ifae ani howonika. De abeika ngona nomaputuhu la Ngohi Ma Jou ka nohiporetika dika.

1 Kokoano 16:25

Masara o Omiri unangoo wodiai abe duru itorou Ma Jou o Yawe ai himangoka ka hiadono, nako una de o kokoano ma dihiraino, ka unangohi ai howono Ma Jouika ilamoko.

1 Kokoano 16:29

De o Ahaba, abe ai baba o Omiri, una womulaenge o Isiraele ma nyawa wahikoano ma oraha o Asa, abe daku o Yehuda ma tonakoka, wohikoano genangoka ngade-ngade ai taongo moruange de tufange ma dekanino. De ahao o Ahaba gea o Isiraele ma nyawa wahikoano ai taongo monaoko de hinooto ai dekana de wogogere o koano ma tauoka o Samaria ma kotaka.

1 Kokoano 16:31

De ai wowango ma datoro imakiniiki hoka o Yerobeama ai datoro ma modorou. De una woilaka de momatengo ami romanga o ngo Isebele abe munangoo duru o nyawa ma dorou ho ka de muna womile de to una ai dorou ka womahidogo dika. Muna gea o Sidono ma nyawa abe ami baba o Etabaala de una wahikoano o Sidono ma nyawa. De o ngo Isebele momahuba o pangao o Baalika ho yoilaka ibooto de ko itedekanua de ami rokata o Ahaba unangoo womulaenge womahuba-huba o Baalika.

1 Kokoano 16:33

De ahao o pangao o ngo Asitorete ma liate moi, enangoo o Ahaba gea wohigoko. Ho ngaro o Isiraele ma nyawa manga kokoano ma dihiraino yodiai itotorou hiadono to ona manga Jou, Ma Jou o Yawe, ai ngamo duru ihifae, masara ka o Ahaboli wodiai ifoloiholi abe Ma Jou o Yawe ai ngamo utuohi wohifae.

1 Kokoano 21:25

De nako o Ahaba ai wowango ma datoro ihikohowono de o nyawa utu, ka unangohi abe duru womafukunoka o howo-howonika abe duru ai datoro itorou Ma Jou o Yawe ai himangoka de angamoi ngoi fekata o ngo Isebele mihigaro o howonika.

1 Kokoano 22:53

De una wodiai abe duru itotorou Ma Jou o Yawe ai himangoka angamoi una waniiki ai baba o Ahaba de ngoi meme o ngo Isebele manga biaha abe duru yomahijou o pangao o Baalika. De manga koano ma dihira o Yerobeama una o koano abe ai kokawaaha duru wahigaro ma dorouika hiadono o Isiraele ma nyawa duru yahowono Ma Jouika de naa duru hokogenangoli o Ahasia wodiai.

2 Kokoano 17:2

De o Hosea gea unangoo wodiai itorou Ma Jou o Yawe ai himangoka masara ai dorou ko adonikaua abe ma dihiraino o kokoano yodiai itorou o Isiraele ma tonakoka.

2 Kokoano 3:2

De o Yorama gea una wodiai abe duru itorou Ma Jou o Yawe ai himangoka masara ai wowango ma datoro ngaro itorou masara ko imakadaenua hoka to una ai baba o Ahaba eko hoka ngoi meme o ngo Isebele manga datoro ma dorou. Abe ngaro wodiai itorou masara wahibinaaha o huhuba ma ngi ai baba wodiai o hakaruino abe o hakaru yafafoiye de ihidemehele hiadono ena gea ma gurutiye de ma rupa hoka o liate ma amoko. De o huhuba ma ngi gea o Ahaba wodingaka o pangao o Baalika la ka idadi ai kokawaaha yoiki genangika de yomahuba-huba o Baalika. De gea ena abe ai ngofaka o Yorama wohibinaaha la ibooto ai nyawa yomahuba-huba o Baalika genangoka.