1 Kokoano 16:24 - Ma Jou ai Demo-demo o Totobelohoka

²⁴ De ahao o Omiri gea o loku moi womaija womatengoino ai romanga o Semere de gea wofangu de o haaka ma se-senge abe adono o haaka o kilo moributaanga de tufange ma dubuho. De o lokuoka gea o Omiri wohigoko o kota moi abe wohiromanga o Samaria ma kota la ma romanga ngade-ngade imakadaene hoka o Semere ai romanga angamoi unangino o Omiri waija ma loku gea.

1 Kokoano 16:24 ပူးပေါင်းရင်းမြစ်များ

1 Kokoano 13:32

Angamoi duru tonganono de tohioriki abe to una gea ai demo ahao idadi imaketero hoka wotemoka. Abe una nengokadauino de wadofanga Ma Jou ai demo ma titi ma huhuba ma ngi gea o Beteloka wato ahao kiani Ma Jou ai hohowono adaene enanguku. De nagali Ma Jou ai hohowono ma demo ma titi ma huhuba ma ngi utuoli dau o Samaria ma kapo-kapongoka, de ai demo enangoo kiani idadi imaketero hoka wotemoka.”

1 Kokoano 16:32

De abe ihira womahitaana wodiai abe walawana Ma Jou ai behehongika, una o Samaria ma kota ma goronaka wohigoko o Baala ma huhuba ma tau de to ena ma huhuba iharo-harongo ma ngi.

1 Kokoano 18:2

Ho o Elia wosobo wato witutumu o Ahabika la womahimatoko unangika. De ma oraha gea o hafini duru kohagiria o Samaria ma tonakoka mangale ma titi o hiwara o taongo hangeino ma dekana.

1 Kokoano 20:1

De o wange moiuku o koano o Bene-Hadada abe una wohikoano o Arama ma tonakoka to una ai tentara wakokitoomuino. Ho gea yomatoomuino de nagali abe yoboa iwiduhunu o Arama ma kota-kotaino manga kokoano yamoruange de yahinooto. De ma kokoano gea naga de to ona manga kuda de manga parangi ma gogoroba kohangoe. De o Bene-Hadada de ai tentara mata-mata ona yokokisobo yoiki o Isiraele ma nyawa manga tonakika la ato o Samaria ma kotaika yaparangi de manga buturungu.

1 Kokoano 22:37

Ho manga koano wohonengoka ho ai honenge yao o Samaria ma kotaika de iwilungunu genangoka.

2 Kokoano 17:1

De ipahaino de o Hosea abe ai baba o Ela una womulaenge wahikoano o Isiraele ma nyawa manga tonakoka. De ma oraha gea daku o Yehuda ma tonakoka de o Ahasa ai nyawa wahikoano ngade-ngade ai taongo ngimoi de hinooto ma dekanino. De o Hosea wogogere o Samaria ma kotaka ma oraha wahikoano o Isiraele ma nyawa dau o Isiraele ma tonakoka. De una wahikoano ai taongo hiwo ma dekana.

2 Kokoano 17:24

O Asuru ma nyawa manga koano wahihupu o Isiraele ma nyawa manga tonakino ibooto de ipaha waturuuru de o homoaino ma nyawa. Abe ona wale utu o nyawa o Babele ma tonakino, de utu o Kuta ma tonakino, de utu o Awa ma tonakino, de nagaoo abe o Hamatino de o Sefaraimino. Angamoi ona gea mata-mata o Asuru ma nyawa manga koano ai kuahaka ho kiani iwihingounu unangika. Ho o homoaino ma nyawa gea yaturuuru o Isiraele ma nyawa de onangoli yogogere o Samaria ma kotaka de abe ma kota-kota utuokali o Isiraele ma tonakoka gea.

2 Kokoano 17:6

De ma bahaika o Samaria ma nyawa wahikala de gea yadaene o Hosea ai taongo hiwo ibooto abe wahikoano o Isiraele ma nyawa. De gea o Hosea iwibuiokahi ho ai kuaha iwederoka de o Isiraele ma nyawa manga ngoe o Samanesere wataoko de wao to una ai tonakika. De o Asuru ma tonakoka wahigogere de manga doomu ma ngoe abe manga ngi homoi-homoiika ai tonaka ma honongaka abe ihiromanga o Halaha ma tonaka. De utu o Isiraele ma nyawa wao ai tonaka ma honongali ma romanga o Gosana de wahigogere o Haboro ma akere ma ngigoroka. De o Isiraele ma nyawa utu wao ka hiadono o Madai ma nyawa manga tonakika de wahigogere to ona manga kota-kota ma goronaka.